¤¤¤¤¤¤¤¤¤¤¤¤¤¤¤¤¤¤¤¤
ဘုရားသားတော် အရှင်ရာဟုလာ
¤¤¤¤¤¤¤¤¤¤¤¤¤¤¤¤¤¤¤¤
■ ရှင်တော်ဘုရားဟာ သူတော်ကောင်းတရားတည်းဟူသော မိုးကောင်းကင်ထက်က ကရုဏာ တည်းဟူသော အအေးဓာတ်၊ ပညာတည်းဟူသော အလင်းဓာတ်တွေနဲ့ ထွန်းလင်းတောက်ပ တော်မူတဲ့ လပြည့်ဝန်းကြီး ဖြစ်တော်မူရင် အရှင်ရာဟုလာမထေရ်မြတ်ဟာ ငွေလမင်းကြီး အနီးအပါးက ဆွတ်ဆွတ်ဖြူနေအောင် စင်ကြယ် တောက်ပနေတော်မူတဲ့ အရံငွေစင်ကြယ် အလေးတစ်ပွင့်ဖြစ် တော်မူပါတယ်။ အများအကျိုး၊ လောကအကျိုး၊ သာသနာတော်အကျိုး အတွက် ကိုယ့်ဘ၀ ကိုယ့်အတ္တကို စွန့်လွတ်အနစ်နာခံ စတေးတတ်တဲ့ မိသားစုအသိုင်းအ၀ိုင်းထဲကို ၀င်ရဲတယ်ဆိုတာ နည်းနည်း နောနော သတ္တိမဟုတ်ပါဘူး။
အရှင်ရာဟုလာရဲ့ ပါရမီခရီးဟာ ပဒုမုတ္တရ ရှင်တော်ဘုရားရဲ့ လက်ထက်တော်က အစပြုခဲ့ တယ်လို့ ဆိုရမှာပါ။ တန်ခိုးကြီးတဲ့ ရသေ့တစ်ပါးရဲ့ တိုက်တွန်းစကားကြောင့် ဆုတောင်းမှားခဲ့တဲ့ (အရှင်ရာဟုလာအလောင်း)ပထ၀ိန္ဓရ နဂါးမင်းဟာ ပဒုမုတ္တရ ရှင်တော်ဘုရားရဲ့ သားတော် ရှင်ဥပရေ၀တ သာမဏေငယ်ကို အားကျ ကြည်ညိုတော်မူကာ “နောင်ပွင့်တော်မူလတဲ့သော တစ်ဆူဆူသော ဘုရားရှင်ရဲ့ ရင်သွေးသည်းချာ သားရရတနာဖြစ်လိုကြောင်း”ဆုတောင်းပြီး ကမ္ဘာတစ်သိန်း ကြာအောင် ပါရမီတွေကို ဖြည့်ဆည်းတော်မူခဲ့တာ ဖြစ်ပါတယ်။ ကဿပ ရှင်တော်ဘုရားရဲ့ လက်ထက်တော်မှာ ကိကီမင်းကြီးရဲ့ သားတော် အိမ်ရှေ့မင်းသားဘ၀နဲ့ ကျောင်းတိုက်ကြီးပေါင်း (၅၀၀)ကို လှူဒါန်းတော်မူခဲ့ဖူးတဲ့ ကောင်းမှုအထူးလည်း ရှိတော်မူခဲ့ ပါတယ်။
နောက်ဆုံးဘ၀ရောက်တဲ့အခါ အလောင်းတော် သိဒ္ဓတ္ထမင်းသားကို အစွဲပြုပြီး ယသော်ဓရာ မိဖုရားရဲ့ ၀မ်းကြာတိုက်မှာ လူလာဖြစ်ကာ “ရာဟုလမင်းသား”နာမည်နဲ့ ထင်ရှားပါတယ်။ ရာဟုလာဆိုတာ ” ရာဟုဇာတော ဗန္ဓနံ= ငါ့ကို ဖမ်းစားမယ့် ရာဟုလေး ပေါ်လာပြီ” ဆိုတဲ့ အလောင်းတော်မင်းသားရဲ့ ချစ်စနိုး ညည်းညူးရေရွတ်သံကို အကြောင်းပြုပြီး၊ ဘိုးတော် သုဒ္ဓေါဓနမင်းကြီးက အမြတ်တနိုး မှည့်ခေါ်ခဲ့တဲ့ နာမည်တစ်ခု ဖြစ်ပါတယ်။ ရာဟုလာ မင်းသားကလေးဟာ ရှင်တော်ဘုရားနဲ့ နန္ဒမင်းသားတို့လိုပဲ မဟာပုရိသလက္ခဏာလို့ခေါ်တဲ့ ယောင်္ကျားကောင်း ယောင်္ကျားမြတ်တို့ရဲ့ သွင်ပြင်လက္ခဏာတွေနဲ့ ပြည့်စုံသူ ဖြစ်တာကြောင့် ဖွားတော်မူစဉ်ကပဲ နိမိတ်ဖတ် ဆရာတွေရဲ့ “ကြီးလာရင် စကြ၀တေးမင်းဖြစ်မယ်”လို့ ဟောကြားခြင်းကို ခံယူခဲံရပါတယ်။
မဟာသက္ကဂာဇ် ၁၀၃-ခုနှစ်၊ ကဆုန်လပြည့်နေ့မှာ သဗ္ဗညူဗုဒ္ဓအဖြစ် ရောက်တော်မူတဲ့ ရှင်တော်ဘုရားဟာ တစ်နှစ်တိတိ ကြာပြီးတဲ့နောက် မဟာသက္ကရာဇ်၁၀၄-ခုနှစ် ကဆုန်လပြည့် ကျော်(၁)ရက်နေ့ရောက်မှ မွေးရပ်မြေ ကပိလ၀တ် နေပြည်တော်မှာ ပြန်လည်ခြေချတော် မူပါတယ်။
ရှင်တော်ဘုရားဟာ နေပြည်တော်ကို ရောက်တော်မူပြီးလို့ ၃-ရက်အကြာမှာ မင်္ဂလာ ဆောင်မယ့်ဆဲဆဲ ညီတော်နန္ဒမင်းသားကို ရဟန်းပြုပေးတော်မူသလို(၇)ရက်မြောက်နေ့မှာလည်း မိမိထံတော်ကို တွတ်တီးတွတ်တာ ပူဆာပြီး အမွေတောင်းလာတဲ့(၇)နှစ်သားအရွယ် ရာဟုလာ မင်းသားလေးကို လည်း ရှင်ပြုပေးတော်မူလိုက်ပါတယ်။
သားတော် အိမ်ရှေ့မင်းသား နန္ဒကို ရဟန်းပြုပေး လိုက်တုန်းက အကြီးအကျယ် စိတ်သောကရောက်ခဲ့တဲ့ ခမည်းတော် သုဒ္ဓေါဓန မင်းကြီးဟာ မြေးတော်ကိုလည်း ရှင်ပြု ပေးလိုက်ပြန်ပြီလို့ ကြားသိရတဲ့အခါ မျက်ရည် ပေါက်ပေါက်ကျပြီး “နောင်အခါမှာ မိဘတွေက ခွင့်မပြုအပ်တဲ့ သားသမီးတွေကို ရှင်ရဟန်းပြုမပေးဖို့” ရှင်တော်ဘုရားကို တောင်းဆိုလျှောက်ထား ခဲ့ပါတယ်။
ရှင်တော်ဘုရားကလည်း သိက္ခာပုဒ် ပညတ်ပြီး မိဘတွေက ခွင့်မပြုတဲ့ သားသမီးတွေကို ရှင်ရဟန်းပြုမပေးဖို့ တားဖြစ်တော်မူခဲ့ပါတယ်။
ရာဟုလာ မင်းသားကလေးကို ရှင်သာမဏေပြုပေးရာမှာ အရှင်သာရိပုတ္တရာက ဥပဇ္ဈယ်ဆရာ ဖြစ်တော်မူပြီး အရှင်မောဂ္ဂလာန်က သရဏဂုံ သီလပေးကာ ရှင်ပြုပေးတဲ့ဆရာ ဖြစ်ပါတယ်။ အရှင်မဟာကဿပကတော့ သြ၀ါဒပေးတဲ့ဆရာ ဖြစ်တော်မူပါတယ်။
ရှင်တော်ဘုရားက “သားတော် တောင်းတဲ့ လောကီအမွေဟာ ဒုက္ခသစ္စာလောင်စာတွေ ဖြစ်တာမို့ ၀ဋ်ဆင်းရဲ အပူဟပ်မှာစိုးလို့ ငြိမ်း အေးရာ၊ ငြိမ်းအေးကြောင်း လောကုတ္တရာအမွေ”ပေးတော်မူတာ ဖြစ်ပေမယ့် လောကီမျက်စိနဲ့ ကြည့်မယ်ဆိုရင် ရှင်ရာဟုလာရဲ့ ဘ၀ဟာ အင်မတန် အားငယ်ဖို့ ကောင်းပါတယ်။ အလောင်းတော်ဘ၀တုန်းကလည်း ဖွားမြင်တော်မူစ သားငယ်ကလေးကို မငဲ့မကွက် တောထွက်တော်မူခဲ့သလို ယခုလည်း ခမည်းတော်ဘုရားကို ဖူးတွေ့ရတာမှ ရက်ပိုင်းပဲရှိသေးတဲ့ သားတော်ကို ဘယ်လို အခမ်းအနား ဘာအဆောင်အယောင်မှမပါဘဲ ရိုးစင်းစွာ ရှင်ပြုပေးတော်မူပြန် ပါတယ်။
ဒါပေမယ့် ရှင်တော်ဘုရားရဲ့ လေးအသင်္ချေနဲ့ ကမ္ဘတစ်သိန်းသော ပါရမီခရီးမှာ မရေမတွက် နိုင်တဲ့ အသက် သွေး ချွေးတွေကို ဘ၀ပေါင်းများစွာ ကြည်ဖြူစွာ ပေးဆပ်ပြီး ပါရမီဖြည့်ဖက် ဖြစ်လာခဲ့တဲ့ ရှင်ရာဟုလာကတော့ ထည့်ထွက်တော်မူပုံ မရပါဘူး။ ရှင်သာမဏေဖြစ်တဲ့ ရက်ကစပြီး ရှင်ရာဟုလာဟာ နံနက် မိုးသောက် အလင်းရောက်ပြီဆိုတာနဲ့ နံနက်စောစော ထကာ လက်ခုပ် နှစ်ဘက်နဲ့ အပြည့် သဲတွေကို မြှောက်ချီပြီး ရှင်တော်ဘုရားနဲ့ ဆရာဥပဇ္ဈာယ်တွေထံက ဒီသဲပွင့်တွေ အရေအတွက်နဲ့အမျှ အဆုံးအမ သြ၀ါဒတွေကို နာခံရပါမူ ကောင်းလေစွ”လို့ နေ့စဉ်နဲ့အမျှ မျှော်လင့် တောင့်တ တော်မူတတ်ပါတယ်။ အရှင်ရာဟုလာဟာ အဆုံးအမ သြ၀ါဒပေးသူကို ရွှေအိုးညွှန်ပြပေး သူလို ဖြတ်နိုးတန်ဖိုးထားတော်မူပါတယ်။
ရှင်တော်ဘုရားကလည်း သားတော်ကို ရှင်ပြုပေးပြီးတဲ့နောက် ရင်အုပ်မကွာ စောင့်ရှောက် တော်မူတဲ့ အနေနဲ့ (သုတ္တနိပါတ်ပါဠိတော်လာ) အဘိဏှရာဟုလောဝါဒ သုတ္တန်ကို ဟောကြား တော်မူပြီး အမြဲမပြတ် ဆုံးမတော်မူသလို (၇)နှစ်သားအရွယ် ငယ်သူဖြစ်တာကြောင့် မုသားစကားကို အပြောင်အပြက်ပင် ပြောဆိုတော်မူမှာ စိုးရိမ်တော်မူတာကြောင့် (မဇ္ဈိမပဏာသလာ) ဥပမာ ဥပမေယျတွေနဲ့ လက်တွေ့ရှင်းပြကာ ဟောကြားတော်မူခဲ့ပါတယ်။
ဉာဏ်ရည်သွေးတဲ့အနေနဲ့ ကုမာရပဥှာကို ဟောကြားတော်မူခဲ့သလို(၁၈)နှစ်သားအရွယ် သာမဏေဘ၀မှာ မဟာရာဟုလောဝါဒ သုတ်ကိုလည်း ဟောကြားတော် မူခဲ့ပါတယ်။ ဉာဏ်ရင့်ကျက် လာပြီဖြစ်တဲ့ ရှင်ရာဟုလာ ၀ိပဿနာအလုပ် အားထုတ်နိုင်စေရန်အတွက် ရာဟုလသံယုတ် (သုတ်ပေါင်း=၂၂သုတ်)နဲ့ (အင်္ဂုတ္ထိုရ်ပါဠိတော်လာ)ရာဟုလသုတ် တွေကိုလည်း အစဉ်အတိုင်း ဟောကြားတော်မူခဲ့ပါတယ်။
အဲဒီကနောက်-
သက်တော်၂၀ပြည့်ပြီး ရဟန်းဖြစ်ကာစ ၀ါမရသေးမီအချိန်မှာ (ဥပရိပဏာသပါဠိ တော်လာ) စူဠရာဟုလောဝါဒ သုတ်တရားတော်အဆုံးမှာ အရှင်ရာဟုလာ ရဟန္တာ ဖြစ်တော် မူခဲ့ပါတယ်။
ဗိမ္မိသာရမင်းကြီး ဆောက်လုပ်လှူဒါန်းထားတဲ့ ရာဇဂြိုဟ်မြို့တော်အနီး ဝေဠုဝန်ကျောင်း တိုက်ကြီးရဲ့ အစွန်အဖျားမှာ ကမ္မဌာန်းကျောင်းကလေး တစ်ကျောင်း ရှိပါတယ်။ အဲဒီကျောင်း ငယ်ကလေး အနီးမှာ သရက်ပင်ပျိုကလေး တစ်ပင်လည်း ရှိပါတယ်။
သရက်ပင်ပျိုကို ပါဠိလို `အမ္ဗလဋ္ဌိကာ”လို့အမည်တွင်ပါတယ်။ ဆူးမှန်ရင် အဖျားထက်သလိုပဲ ရှင်ရာဟုလာဟာလည်း (၇)နှစ်သားအရွယ် ငယ်ငယ်ကလေးကပဲ သူတော်ကောင်းဘက်မှာ ထက်ထက်မြက်မြက် ရှိလှပါတယ်။ ဒါကြောင့် ဆိတ်ငြိမ်တဲ့ နေရာမှာ တစ်ပါးတည်း နေလိုတာမို့ ကျောင်းတိုက်ကြီးရဲ့ အစွန်အဖျားဖြစ်တဲ့ အဲဒီအမ္ဗလဋ္ဌိကာ ကမ္မဌာန်းကျောင်းငယ်ကလေးမှာပဲ ရှင်ရာဟုလာ သီတင်းသုံးနော်မူပါတယ်။
ရှင်တော်ဘုရားဟာ ညနေချမ်းအခါမှာ ရှင်ရာဟုလာကို သြ၀ါဒပေးလိုတော်မူတဲ့အခါ အဲဒီ ကမ္မဌာန်းကျောင်းကလေးကို ကြွတော်မူတတ်ပါတယ်။ ရှင်ရာဟုလာဟာ အမျိုးအားဖြင့် သာကီဝင် မင်းမျိုးအစစ်က ဖွားမြင်လာတာဖြစ်သလို ကိုယ်တိုင်ကလည်း စကြာမင်းဖြစ်လောက်တဲ့ ဘုန်းကံပါရှိပြီး ရုပ်အဆင်းအားဖြင့် ကြော့ရှင်းခန့်ညား အများကြည်နူး လောက်အောင် ကျက်သရေကို ဆောင်ပါတယ်။
ရှင်သာမဏေ ဘ၀ရောက်လာတဲ့အခါ ရှင်တော်ဘုရားရဲ့ ရင်သွေး ရတနာဖြစ်တာမို့ ရဟန်းတော်များက လေးစားမြတ်နိုးကြရုံမက ကောသလမင်းကြီး၊ အနာထပိဏ်၊ ၀ိသာခါ စတဲ့ မင်း သူဌေး သူကြွယ်တွေကလည်း ကိုင်းရှိုင်းကြည်ညို ရိုသေ ချစ်ခင်ကြပါတယ်။ ဒီလို အခြေအနေမျိုးမှာ စဉ်းစားကြည့်ရင် စိတ်ကြီးဝင်စရာ ဟန်ကြီး ပန်ကြီး လုပ်ချင်စရာ အင်မတန်ကောင်းပေမယ့် စိတ်ကြီးမ၀င် မာန်မာနမရှိတဲ့အပြင် ယဉ်ကျေး သိမ်မွေ့ကာ နူးညံ့ပျော့ပျောင်းပြီး အလွန်စိတ် သဘောထား ကောင်းတော် မူလှပါပေတယ်။
ရဟန်းတော်တွေဟာ ရှင်ရာဟုလာ သဘောကောင်းကြောင်း ကျော်စောတဲ့အတွက် စမ်းကြည့် လိုတာမို့ ရှင်ရာဟုလာ လာနေတာကို အဝေးကနေမြင်ရင် သူလာမယ့် လမ်းမှာ တံမြက်စည်းကို ဖြစ်ဖြစ် အမှိုက်တောင်းကိုဖြစ်ဖြစ် ပစ်ထားတတ်ကြပါတယ်။ အဲဒီနေရာကို ရှင်ရာဟု လာက လွန်သွား တဲ့အခါ ကိုယ်တော်တစ်ပါးပါးက “ဒီတံမြက်စည်းတွေကို လမ်းမှာ ဘယ်သူပစ်ထား သလဲ”လို့ မေးမြန်းရင် တစ်ခြားရဟန်းတွေက “ရှင်ရာဟုလာတော့ ဒီလမ်းက လာတာပဲ”လို့ ပြောဆို ကြပါတယ်။
အဲဒီစကားကု ရှင်၇ာဟုလာ ကြားရတဲ့အခါ ” တပည့်တော်မသိဘူး၊ တပည့်တော် မထားဘူး”လို့ ငြင်းဆိုမနေဘဲ တံမြက်စည်း၊ အမှိုက်တောင်းတွေကို သင့်တော်တဲ့နေရာမှာ သိမ်းဆည်းပြီး ရဟန်းတော်များကိုလည်း “သည်းခံတော်မူကြပါဘုရား”လို့ တောင်းပန်လျှောက် ထားသွားတော်မူ တတ်ပါတယ်။ တစ်ခါတုန်းက ရှင်တော်ဘုရားဟာ ကောသမ္ဘီပြည်၊ ဗဒရိကာရုံကျောင်းတိုက်မှာ သီတင်းသုံးတော်မူခိုက်”ရဟန်းတော်တွေဟာ ရဟန်းမဟုတ်သူ လူ သာမဏေတွေနဲ့အတူ ညဥ့်မ အိပ်ရ”လို့ သိက္ခာပုဒ် ပညတ်တော်မူပါတယ်။
အဲဒီအခါ ရှင်ရာဟုလာလည်း အဲဒီကျောင်းမှာ ရောက်ခိုက်ဖြစ်တာမို့ ရဟန်းတော်တွေက ရှင်ရာဟုလာကို ကိုယ့်နေရာ ကိုယ်စီစဉ်ဖို့ အမိန့်ရှိပါတယ်။ အဲဒီကျောင်းမှာ ရှင်ရာဟုလာဟာ အငယ်ဆုံး ဖြစ်တာမို့ ရှင်၇ာဟုလာအတွက် နေရာအခက်အခဲ ဖြစ်နေပါတယ်။
ရှင်ရာဟုလာဟာ ဘယ်သူကိုမျှ အပူမကပ်ဘဲ နေရာမရတဲ့အဆုံး ရှင်တော်ဘုရား အသုံးပြုရာ ကုဋီဆောင်မှာ သွားနေလိုက်ပါတယ်။ နံနက်စောစော ရှင်တော်ဘုရား ကုဋီကို အသုံးပြုဖို့ ကြွတော် မူလာတဲ့အခါ အထဲကို မ၀င်ခင် အပြင်က ချောင်းဟန့်တော်မူပါတယ်။ အထဲက ရှင်ရာဟုလာက လည်း ပြန်ပြီး ချောင်းဟန့်သံပေးပါတယ်။ ရှင်တော်ဘုရားက “အထဲက ဘယ်သူလဲ”လို့ မေးမြန်းတော် မူတဲ့အခါ ရှင်ရာဟုလာက ဖြစ်ကြောင်းကုန်စဉ်ကို ပြန်လည် လျှောက်ထားတော်မူပါတယ်။
အဲဒီ ဖြစ်ရပ်ကလေးကို အကြောင်းပြုပြီး ရှင်တော်ဘုရားက ရဟန်းတော်တွေဟာ ရဟန်းမဟုတ်သူ လူသာမဏေ တွေနဲ့အတူ နှစ်ညဥ့်သုံးညဥ့် အိပ်နိုင်ကြောင်း” သိက္ခာပုဒ်တော်ကို ပြင်ဆင်ပညတ်တော် မူခဲ့ရပါတယ်။
ရှင်ရာဟုလာက ဓုတင်အကျင့်(၁၃)ပါးကို ဆောင်တော်မူတဲ့အပြင် ရသမျှနဲ့ ရောင့်ရဲခြင်း၊ သင့်တော်သမျှနဲ့ ရောင့်ရဲခြင်း၊ စွမ်းနိုင်သမျှနဲ့ ရောင့်ရဲခြင်းလိုပခေါ်တဲ့ သန္တုဋ္ဌီ တရား(၃)ပါးနဲ့လည်း ပြည့်စုံတော်မူပါတယ်။ ရှင်ရာဟုလာ ဒီလို စိတ်ကောင်း နှလုံးကောင်းနဲ့ ပြည့်စုံပြိး အကျင့်သိက္ခာကို မြတ်နိုးတန်ဖိုးထာတတ်တာဟာ ရှင်တော်ဘုရားရဲ့ ရင်သွေးတော် ဖြစ်နေလို့လို့ အများက ယူဆကြ ပါတယ်။
တကယ်တော့ ဒီလို စိတ်ကောင်းနှလုံးကောင်းနဲ့ ပြည့်စုံပြီး အကျင့်သိက္ခာကို မြတ်နိုးတန်ဖိုး ထားတတ်တာကြောင့်သာ ရှင်ရာဟုလာဟာ ရှင်တော်ဘုရားရဲ့ ရင်နှစ်သည်းချာ သားရတနာ ဖြစ်ခွင့် ရတာပါ။
ရှင်ရာဟုလာရဲ့ စိတ်ကောင်းရျိမှု၊ အကျင့်သိက္ခာမြတ်နိုးလိုလားမှုကို အကြောင်းပြုပြီး ရှင်တော် ဘုရားဟာ တိပလ္လတ္ထမိဂဇာတ်နဲ့ တိတ္ထိရဇာတ်တော်တွေကို ဟောကြားတော် မူခဲ့ပါတယ်၊ ရှင်ရာဟုလာဟာ မဃဒေ၀ဇာတ်၊ မဟာသုဒဿနဇာတ်၊ ဒဒ္ဒရဇာတ်၊ မက္ကဋဇာတ်၊ သီဟကောတ္ထဇာတ်၊ ဗဒ္ဓနာဂါဇာတ်၊ ဒုကနိပါတ်-ကပိဇာတ်၊ ပဉ္စကနိပါတ်-ဥရဂဇာတ်၊ ကုမ္ဘကာရဇာတ်၊ စူဠသုတသောမဇာတ်၊ သောဏကဇာတ်၊ မဟာဇနကဇာတ်၊ စန္ဒကုမာရဇာတ်၊ ၀ိဓူရဇာတ်၊ ဝေဿန္တရာဇာတ်အားဖြင့် ဇာတ်တော်ပေါင်း(၁၅)ခုမှာ သားတော်အနေနဲ့ ဖြစ်ရပြီး တိပလ္လတ္ထမိဂ ဇာတ်တော်မျာတော့ တူအနေနဲ့ ဖြစ်တော်မူခဲ့ပါတယ်။
အမရပူရ(တောင်မြို့) မဟာဂန္ဓာရုံဆရာတော်ဘုရားကြီးက ” သူဟာ ရှင်တော်ဘုရားကို ဘုရားအဖြစ် ရောက်တော်မူမှ ကြည်ညိုတာ မဟုတ်ဘဲ အလောင်းတော် ဘ၀ကတည်းက ကြည်ညိုတာဖြစ် ကြောင်း”မိန့်တော်မခဲ့ဖူးပါတယ်။ စာရေးသူလည်း ရှင်ရာဟုလာကို ယခုဘ၀ရောက်မှ ကြည်ညိုတာ မဟုတ်ဘဲ ဝေဿန္တရာမင်းကြီးရဲ့ သားတော် ဇာလီမင်းသားဘ၀ စသည်ကတည်းက လေးစားကြည် ညိုခဲ့တာပါ။ တကယ်တော့ အရှင်ရာဟုလာဟာ ရှင်တော်ဘုရားရဲ့ ရင်သွေးတော်ဖြစ်ရလို့သာမက ကိုယ်တိုင် ပန်ဆင်ခဲ့တဲ့ ဆုထူး၊ ဆည်းပူးခဲ့တဲ့ ပါရမီတော်တွေနဲ့ အညီ “နဂိုရှိလို့ နဂိုင်းထွက်”တော်မူခဲ့ တာပါ။
အရှင်ရာဟုလာမထေရ်မြတ်ဟာ ရဟန်းတော်ဖြစ်တော်မူစ ၀ါမရသေးမီမှာပဲ ပဋိသမ္ဘီဒါပတ္တ၊ ဆဠဘိည၊ တေ၀ိဇ္ဇ ရဟန္တာ ဖြစ်တော်မူတာမို့ မဟာသာဝက ရှစ်ကျိပ်စာရင်းဝင် ဖြစ်တော်မူသလို လင်္ကျာရံ ရဟန္တာမထေရ်(၄၀)ထဲမှာလည်း (၂၉)ပါးမြောက် နေရာရသူ ဖြစ်တော်မူပါတယ်။ ဧတဒဂ်ဘွဲ့ တံဆိပ်တော်ရ ရဟန္တာမထေရ်(၄၁)ပါးထဲမှာလည်း (၂၀)ပါးမြောက် သိက္ခာသုံးပါး လိုလားကျင့် ဆောင်တော်မူရာ (သိက္ခာကာမအရာမှာ) အသာလွန် အမြင့်မြတ်ဆုံး ဧတဒဂ် ဘွဲ့ထူးကိုလည်း ဆွတ်ခူးရယူတော်မူနိုင်သူ ဖြစ်တော်မူပါတယ်။
အရှင်ရာဟုလာမထေရ်ဟာ တာဝတိံသာနတ်ပြည်မှာ ပရိနိဗ္ဗာန် ၀င်စံတော်မူတယ်လို့ အဋ္ဌကထာ ကျမ်းတွေမှာ မှတ်ချက်ပြုထားပေမယ့် အကျယ်တ၀င့် ထုတ်ဖော်ရှင်းလင်း ပြဆိုတာမျိုးတော့ မရှိပါဘူး။
ရှင်ရာဟုလာဟာ ရှင်တော်ဘုရား သဗ္ဗညူတဗုဒ္ဓအဖြစ် ရောက်တော်မူပြီး တစ်နှစ် အကြာ(၇)နှစ်အရွယ်မှာ ရှင်ပြုတော်မူခဲ့ကာ ရှင်တော် ဘုရားထက်အရင် တစ်နှစ်စောပြီး ပရိနိဗ္ဗာန် စံဝင်တာဖြစ်လိမ့်မယ်လို့ ခန့်မှန်းရပါတယ်။ သက်တမ်းကာလ တိုတော်မူပေမယ့် စိတ်ကောင်း နှလုံး ကောင်းရှိမှု၊ သီလ၊သမာဓိ၊ ပညာ အကျင့်သိက္ခာကို မြတ်နိုးလိုလား တန်ဖိုးထားမှု စတဲ့ ဂုဏ်ထူးတွေ ကြောင့် ရှင်တော်ဘုရားရဲ့ ဘွဲ့တော်အမည်နာမနဲ့အတူ ကမ္ဘာကြေပေမယ့် ဥဒါန်းမကြေဘဲ နာမည်တွင် ကျန်ရင်တော်မူမယ့် အရှင်ရာဟုလာမထေရ်မြတ်ကို ဒီဆောင်းပါးတိုလေးနဲ့ပဲ ရိုသေမြတ်နိုး ဦးနှိပ်ချိုးပြီး ရှိခိုးကန်တော့ လိုက်ပါတယ်။
■ ကျမ်းကိုး ■
၁။ အင်္ဂုတ္ထိုရ် အဋ္ဌကထာ (ပထမတွဲ)
၂။ အပါဒါန် အဋ္ဌကထာ (ဒုတိယတွဲ)
၃။ ထေရဂါထာ အဋ္ဌကထာ (ပထမတွဲ)
၎။ ပါစိတာဒိ အဋ္ဌကထာ
၅။ ဥပရိပဏာသ အဋ္ဌကထာ
၆။ မဟာဗုဒ္ဓ၀င်ကျမ်း (ဆဋ္ဌမတွဲ)
တော်ဝင်နွယ်