လောကထဲမှာ လူဟူ၍ ဖြစ်ကြရသော သူတို့သည်
ပညာရှိသူ သူတော်ကောင်နှင့် ပညာမဲ့သူ လူမိုက်
ဟူ၍ နှစ်မျိုးရှိကြပေသည်။ ပညာရှိသူ သူတော်ကောင်း
တို့၏လုပ်ကိုင်ဆောင်ရွက်ချက်တို့သည် မိမိအတွက်လည်း
အကျိုးရှိ၊ သူတစ်ပါးအတွက်လည်း အကျိုးရှိကြပေသည်။
မိမိလည်း ချမ်းသာ၊ သူတစ်ပါးတို့လည်း
ချမ်းသာကြရပေသည်။ မျက်မှောက် ဘဝအတွက်လည်း
အကျိုးရှိ၊ နောင်သံသရာ ဘဝများအတွက်လည်း
အကျိုးရှိကြပေသည်။ သို့ဖြစ်၍ ပညာရှိ သူတော်ကောင်းတို့နှင့်
အတူတကွ နေထိုင် လိုကြပေသည်။
ပေါင်းသင်းဆက်ဆံ လိုကြပေသည်။

ပညာမဲ့သူ လူမိုက်တို့၏ လုပ်ကိုင်ဆောင်ရွက်ချက်တို့သည်
အကျိုးရှိအောင်ပင် လုပ်ကိုင်ဆောင်ရွက်ပါသော်လည်း
အကျိုးမဲ့များသာဖြစ် သွားတတ်ကြပေသည်။

ဇာတ်တော်၊ နိပါတ်တော်များ၌ ပညာမဲ့သူတို့၏
ဆောင်ရွက်ချက်ကြောင့် အကျိုးမဲ့ဖြစ်ကြရသည့် သက်သေ၊
သာဓကများ အများအပြား ရှိခဲ့ကြပေသည်။
သို့ဖြစ်၍ ပညာမဲ့သူများနှင့် အတူတကွ မနေထိုင်လိုကြပေ။
ပေါင်းသင်းဆက်ဆံခြင်း မပြုလုပ်လိုကြပေ။

ထင်ရှားသော သာဓကတစ်ခုမှာ ရှေးအခါက
ဘုရားလောင်း သူဌေး၌ အလွန်အသိဉာဏ်ကင်းမဲ့သူ
ရောဟိဏီအမည်ရှိတဲ့ အခိုင်းအစေ ကျွန်မတစ်ယောက်
ရှိခဲ့လေသည်။ ရောဟိဏီသည် တစ်နေ့သောအခါ
ကောက်နယ်တာလင်း၌ နွားများဖြင့် စပါးသွား
နယ်လေသည်။ သူ့ကို အလွန်ခင်မင်တဲ့ သူ့မိခင်အို
အဖွားက ကောက်နယ်ရာသို့ လိုက်သွားပြီးလျှင်
ကောက်တလင်း အနီးအနား၌ လဲလျောင်းကာ
အနားယူနေ၏။ မှက်၊ ခြင်၊ ယင်တို့သည်
အဖွားကိုယ်မှာ နားကြ (ကိုက်ကြ) လေ၏။

ထိုအခါ မိခင်အိုအဖွားက မှက်၊ ခြင်၊ ယင်တွေကို
မောင်းပေးပါ ဦးဟု ပြောရာ ရောဟိဏီသည်
ကျည်ပွေ့ယူ၍ မိခင်အိုအဖွား၏ ကိုယ်၌ နားနေကြသော
မှက်၊ ခြင်၊ ယင်တို့ကို ရိုက်ချ၍ မောင်းလိုက်ပေသည်။
မှက်၊ ခြင်၊ ယင်တို့ကို မထိမှန်ပါဘဲ မိခင်အိုအဖွားကို
ထိမှန်၍ သေဆုံးသွားရလေသည်။
အသိဉာဏ်ကင်းမဲ့သူတို့၏ ဆောင်ရွက်ချက်တို့သည်
အကျိုးကို လိုလား၍ ဆောင်ရွက်ပါသော်လည်း
အကျိုးမဲ့သာဖြစ်သွားတတ်ကြပေသည်။

ထိုထို ပါဠိတော်တို့၌ ပညာရှိဟူ၍ သိနိုင်ကြောင်း
လက္ခဏာများ နှင့် ပညာမဲ့သူ လူမိုက်ဟူ၍ သိနိုင်ကြောင်း
လက္ခဏာတို့ကို မြတ်စွာဘုရား ဟောကြားတော်မူခဲ့သည်မှာ
အများအပြားပင် ရှိခဲ့ပေသည်။ ထို လက္ခဏာတို့တွင်
“အင်္ဂုတ္တိုရ်ပါဠိတော် အစ္စယသုတ်”၌ ဟောကြားတော်မူခဲ့သည့်
ပညာရှိဟူ၍ သိနိုင်ကြောင်း လက္ခဏာနှင့် ပညာမဲ့သူ
လူမိုက် ဟူ၍ သိနိုင်ကြောင်း လက္ခဏာများမှာ
သိမှတ်ဖွယ်ရာ လိုက်နာကျင့်ကြံဖွယ်ရာ
ကောင်းလှပါပေသည်။

▬▬▬▬▬▬▬▬▬▬▬▬▬▬▬▬▬▬▬
“ပညာရှိသူ သူတော်ကောင်းလက္ခဏာ”
▬▬▬▬▬▬▬▬▬▬▬▬▬▬▬▬▬▬▬
အကြင်သူတစ်ယောက်သည်-
(၁)။ မိမိ၏ အပြစ်ကို အပြစ်အားဖြင့် ရှုလေ့ရှိ၏။
(၂)။ မိမိအပြစ်ကို မြင်ခဲ့သော် တရားနှင့်လျော်ညီစွာ
ကုစားလေ့ ရှိ၏။
(၃)။ သူတစ်ပါးက အပြစ်ကို ဝန်ခံ၍ တောင်းပန်လာခဲ့သော်
တရားနှင့်လျော်ညီစွာ သည်းခံလေ့ရှိ၏။
ထိုသူသည် ပညာရှိသူတော်ကောင်းပင် ဖြစ်ပေသည်
ဟု မြတ်စွာဘုရား ဟောကြားတော်မူခဲ့ပါသည်။

▬▬▬▬▬▬▬▬▬▬▬▬▬▬▬▬▬▬▬
“ပညာမဲ့သူ လူမိုက်လက္ခဏာ”
▬▬▬▬▬▬▬▬▬▬▬▬▬▬▬▬▬▬▬
အကြင်သူတစ်ယောက်သည်
(၁)။ မိမိအပြစ်ကို အပြစ်အားဖြင့် ရှုလေ့မရှိ။
(၂)။ မိမိအပြစ်ကို မြင်ခဲ့သော် တရားနှင့် လျော်ညီစွာ
ကုစားလေ့ မရှိ။
(၃)။ သူတစ်ပါးက အပြစ်ကို ဝန်ခံ၍
တောင်းပန်ပါသော်လည်း သည်းခံခြင်း မရှိ။
(ရန်ငြှိုးထားလျက် ရှိတတ်၏)
ထိုသူသည် ပညာမဲ့သူ လူမိုက် ဖြစ်ပေသည်ဟု
မြတ်စွာဘုရား ဟောကြားတော်မူခဲ့ပါသည်။

လောကီနယ်ထဲ၌ နေထိုင်ကြရသော ပုဂ္ဂိုလ်တို့သည်
တစ်ယောက် တည်း တစ်ကိုယ်တည်းသာ
နေထိုင်ကြရသည် မဟုတ်ပေ။ အများနှင့်
စုပေါင်း၍ အတူတကွ နေထိုင်ကြရပေသည်။
တစ်အိမ်တည်းမှာ စုပေါင်း၍၊ တစ်ကျောင်းတည်းမှာ
စုပေါင်း၍၊ တစ်မြို့တစ်ရွာတည်းမှာ စုပေါင်း၍
အတူတကွ နေထိုင်ကြရပေသည်။

ဤကဲ့သို့ စုပေါင်း၍ နေထိုင်ကြရာတွင် ပညာမဲ့သူ
လူမိုက်တို့သည် သူတစ်ပါးတို့၏ ကြည်ညိုဖွယ်ဂုဏ်၊
ချီးမွမ်းဖွယ်ဂုဏ်တို့ကို မကြည့်ရှုတတ်ကြပေ။
သူတစ်ပါးတို့၏ ကဲ့ရဲ့ဖွယ် အပြစ်များကိုသာ
ကြည့်ရှုတတ်ကြပေသည်။ မိမိ၏ အပြစ်ကိုကား
မကြည့်ရှုတတ်ကြပေ။ ပညာရှိ သူတော်ကောင်းတို့သည်
သူတစ်ပါးတို့၏ ကဲ့ရဲ့ဖွယ် အပြစ်များကို မကြည့်ရှုပါဘဲ
မိမိ၏ အပြစ်ကိုသာ ကြည့်ရှုလေ့ ရှိကြပေသည်။

ပညာမဲ့သူ လူမိုက်တို့သည် မိမိမှာ အပြစ်များ
ရှိလာခဲ့သော် ထိုအပြစ်များကို တရားနှင့် လျော်ညီစွာ
ပျောက်ကင်းအောင် ကုစားလေ့ မရှိကြပေ။
မိမိ၏ အပြစ်များကို ဖုံးကွယ်၍ ထားတတ်ကြပေသည်။
ပညာရှိ သူတော်ကောင်းတို့သည် မိမိမှာ အပြစ်များ
ရှိခဲ့သော် ထိုအပြစ်များကို သင့်လျော်သော
ပုဂ္ဂိုလ်တို့ထံ တင်ပြ၍ တရားနှင့်လျော်ညီစွာ
ပျောက်ကင်းအောင် ကုစားတတ်ကြပေသည်။

ပညာမဲ့သူ လူမိုက်တို့သည် တစ်ဦးတစ်ယောက်က
မိမိကို ပြစ်မှားကျူးလွန်မိ၍ ထိုအပြစ်များကို သည်းခံပါရန်
ဝန်ချတောင်းပန်ပါသော်လည်း သည်းခံခြင်း မရှိမူ၍
ရန်ငြိုးဖွဲ့ထားတတ်ကြပေသည်။
ပညာရှိ သူတော်ကောင်းတို့သည် တစ်ဦးတစ်ယောက်က
မိမိကို ပြစ်မှားကျူးလွန်မိ၍ ထိုအပြစ်များကို သည်းခံပါရန်
ဝန်ချတောင်းပန်လာခဲ့သော် အနာမယူ ရန်ငြိုးမထားမူ၍
တရားနှင့်လျော်ညီစွာ သည်းခံခွင့်လွှတ်တတ်ကြပေသည်။

ဤကဲ့သို့ ပညာရှိ သူတော်ကောင်းတို့သည် မိမိ
အပြစ်ကိုသာ ကြည့်ရှုတတ်ကြပေသည်။ မိမိမှာ
အပြစ်ရှိသည်ဟု သိခဲ့သော် တရားနှင့်လျော်ညီစွာ
ကုစားလေ့ ရှိကြပေသည်။ သူတစ်ပါးတို့၏ အပြစ်ကိုလည်း
တရားနှင့်လျော်ညီစွာ သည်းခံတတ်ကြပေသည်။
ထိုကဲ့သို့ အပြစ်ကင်းအောင် ပြုပြင်တတ်ကြပေသည်။ ။
-【စာရိုက်ပူဇော်သူ - Admin Team of
Young Buddhist Association】
-【မဟာစည်နာယက၊အဂ္ဂမဟာ
ကမ္မဋ္ဌာနာစရိယ၊အရှင်ကုဏ္ဍလာဘိဝံသ-
သဒ္ဓမ္မရံသီရိပ်သာဆရာတော်ဘုရားကြီး】
Posted by
www.facebook.com/youngbuddhistassociation.mm