အရှင်ဘုရား၊ ဂေါတမဗုဒ္ဓရှင်၏ ပထမဦးဆုံး တရားတော်သည် ပဋ္ဌာန်းဒေသနာတော်ဖြစ်သည်ဟု သိရပါသည်။ သို့ပါ၍ ပဋ္ဌာန်းဒေသနာတော် ပေါ်ပေါက်လာပုံကို လိုရင်း တိုရှင်း ဖြေကြားပေးပါရန် ရိုသေစွာ လျှောက်ထားအပ် ပါသည်ဘုရား။
(ရွှေဒေါင်းတောင် မောင်ထွန်းမြင့်-မဲတီး)
(ဖြေ)
မြတ်စွာဘုရား ဘုရားအဖြစ်သို့ ရောက်တော်မူပြီးနောက် စတုတ္ထသတ္တာဟဖြစ်သော ရတနာဃရ ရွှေအိမ်တော်တွင် အဘိဓမ္မာတရားများကို ဆင်ခြင်တော်မူရာ ပဋ္ဌာန်းကျမ်းကို ဆင်ခြင်မိသောအခါတွင် သဗ္ဗညုတဉာဏ်တော်နှင့် ကိုက်ညီ၍ အသွေးတော်၊ အသားတော်များ ကြည်လင်တော်မူကာ ကိုယ်တော်မှ ရောင်ခြည်တော်ခြောက်သွယ် ကွန့်မြူးတော်မူသည်ဟု ဆိုပါသည်။
ထို့ကြောင့် ပဋ္ဌာန်းတရားတော်မှာ နှုတ်တော်မှ ဟောတော်မမူရသေးသည့်တိုင်အောင် ဘုရားအဖြစ်သို့ ရောက်ပြီး စတုတ္ထသတ္တာဟ အတွင်း၌ ဉာဏ်တော်တွင် ပေါ်ပေါက်ခဲ့သည်ဟု ဆိုရပါမည်။ ခုနစ်ဝါမြောက် တာဝတိံသာ နတ်ပြည်တွင် ၀ါဆိုတော်မူသောအခါမှ ၀ါဆိုလပြည့်ကျော် ၁-ရက်နေ့မှစပြီး
ဓမ္မသင်္ဂဏီ ၁၂-ရက်၊
ဝိဘင်းကျမ်း ၁၂-ရက်၊
ဓာတုကထာ ၆-ရက်၊
ပုဂ္ဂလပညတ် ၇-ရက်၊
ကထာဝတ္ထု ၈-ရက်၊
ယမိုက်ကျမ်း ၂၀-ရက်၊
ပေါင်း ၆၅-ရက် ရှေ့အဘိဓမ္မာ ၆-ကျမ်းကို ဟောတော်မူပြီးနောက် ယင်း ခုနစ်ဝါမြောက်ဖြစ်သော မဟာသက္ကရာဇ် ၁၁၀-ပြည့် တော်သလင်းလဆန်းစတွင် ပဋ္ဌာန်းပါဠိတော်ကို စတင်ဟောတော်မူခဲ့ကြောင်း သိရပါသည်။
ပဋ္ဌာန်းပါဠိတော်ကို လူတို့၏ ရက်အပိုင်းအခြားဖြင့် ၂၅-ရက် ဟောတော်မူကြောင်း ဆိုသဖြင့် ထိုမဟာသက္ကရာဇ် ၁၁၀-ပြည့် တော်သလင်းလဆန်းစတွင် ပဋ္ဌာန်းဒေသနာတော် လောက၌ ပေါ်ပေါက်တော်မူလာကြောင်း မှတ်သားဖွယ်ပင်ဖြစ်သည်