ဂေါတမမြတ်စွာဘုရားသည် လေးအသင်္ချေနှင့် ကမ္ဘာတသိန်း ပါရမီဖြည့်ကျင့်ခဲ့ရသည် ဆိုရာ၌ လေးအသင်္ချေ-ဟူသည် ဘာကို ဆိုလိုပါသလဲဘုရား။
( သိုက်ထွန်း-မြို့လယ်ရပ်၊ သီပေါမြို့ )
( ဖြေ )
ကမ္ဘာအသင်္ချေ-ဟူသည်မှာ မည်ရွေ့မည်မျှဟု ဂဏန်းချ၍ မရေမတွက်နိုင်အောင် များလှစွာသော ကမ္ဘာတို့ကို ဆိုပါသည်၊ တနည်းအားဖြင့်-အသင်္ချေယျ ဂဏန်းဟူသည်မှာ ၁-ဂဏန်းနောက်တွင် သုညပေါင်း ၁၄၀-ရှိသော ဂဏန်းဟုလည်း အဆိုရှိပါသည်။ ထိုကမ္ဘာအသင်္ချေ ၄-ခု ( လေးအသင်္ချေ ) တို့မှာ ဘုရားမပွင့်သော သုညကမ္ဘာများသာ ဖြစ်သည်။
ဒီပင်္ကရာမြတ်စွာဘုရား ပွင့်တော်မူသော ၀ရကမ္ဘာ ကုန်ဆုံးသွားပြီးနောက် ကမ္ဘာ တသင်္ချေ သုဉ်းပါသည် ( လုံးဝ ဘုရားမပွင့်ပါ ) ယင်းကို သေလာသင်္ချေ-ဟုခေါ်ပါသည်၊ ထို့နောက်မှ သာရကမ္ဘာ ပေါ်ထွန်းလာ၍ ကောဏ္ဍည-ဟူသော ဘုရားတဆူ ပွင့်ပါသည်၊ ယင်းနောက် ကမ္ဘာ တသင်္ချေ သုဉ်းပြန်ပါသည်။ ဘာသသင်္ချေ-ဟု ခေါ်သည်။ ထို့နောက်တွင် ၀ရကမ္ဘာ ပေါ်ထွန်းလာကာ မင်္ဂလ၊ သုမန၊ ရေ၀တနှင့် သောဘိတ-ဟူသော ဘုရားလေးဆူ ပွင့်ထွန်းခဲ့သည်၊ ယင်းနောက် ကမ္ဘာတသင်္ချေ သုဉ်းပြန်သည်၊ ထိုအသေင်္ချကို ဇယသင်္ချေဟု ခေါ်သည်။ ထိုဇယသင်္ချေနောက်တွင် သာရမဏ္ဍကမ္ဘာ ပေါ်ထွန်းလာပြန်ကာ အနောမဒဿီ၊ ပဒုမနှင့် နာရဒ-ဟူသော ဘုရားသုံးဆူ ပွင့်ထွန်းခဲ့သည်၊ ၄င်းကမ္ဘာနောက်တွင် ကမ္ဘာ တသင်္ချေပင် သုဉ်းပြန်လေသည်။ ထိုအသင်္ချေကို ရုစိသင်္ချေ-ဟု ခေါ်သည်။ ဤ သေလ,ဘာသ, ဇယနှင့် ရုစိ-ဟူသော သုညကမ္ဘာ လေးအသင်္ချေတို့၏ အကြားအကြား ပေါ်ထွန်းခဲ့သော ကမ္ဘာတို့တွင် ဘုရားတဆူနှင့်တဆူ ပွင့်တော်မူခဲ့သည်၊ ၄င်းနောက် ပဒုမုတ္တရမြတ်စွာဘုရား တဆူသာ ပွင့်တော်မူသော သာရကမ္ဘာ ပေါ်ထွန်း၍လာသည်၊ ၄င်းကမ္ဘာမှစ၍ ဤဂေါတမမြတ်စွာဘုရား ပွင့်တော်မူရာ ဘဒ္ဒကမ္ဘာအထိ ကမ္ဘာပေါင်း တသိန်း ဖြစ်ထွန်းခဲ့သည်၊ ၄င်းကမ္ဘာတသိန်း အတွင်းတွင် ဘုရားရှင်ပေါင်း ၁၆-ဆူ ပွင့်တော်မူခဲ့ပါသည်၊ ဤသို့ လေးအသင်္ချေနှင့် ကမ္ဘာတသိန်း ဟူသည်ကို မှတ်သားထားသင့်ပါသည်။