ဆရာတော်ဘုရား၊ ၂၄-ပစ္စည်း ပဋ္ဌာန်းဒေသနာတော် ( ပစ္စယုဒ္ဒေသနှင့်နိဒ္ဒေသ ) ကို အိမ်တွင် အမြဲရွတ်ဆိုနိုင်ပါသလား၊ ၄င်းတို့ကို အမြဲရွတ်ဆိုက သမ္မာဒေ၀ နတ်ကောင်းနတ်မြတ်များ လာရောက်နာကြားသဖြင့် အိမ်စောင့်နတ်များ အနေအထိုင်ခက်သည်ဟု ပြောဆိုကြပါသည်၊
ထိုစကား ဟုတ်မှန်ပါသလားဘုရား။
( မသိင်္ဂီ-ပွင့်ဖြူမြို့၊ မကွေးတိုင်း။ မမြတ်ဆုနှင်း-ဒဂုံမြို့သစ် မြောက်ပိုင်း။ ယုယု-သီရိမင်္ဂလာ၊ ရန်ကုန် )

( ဖြေ )
ဤပြဿနာ မေးသူများလှ၏။ ယခင်ကလည်း ဖြေခဲ့ဖူးပေပြီ။
ပဋ္ဌာန်းဒေသနာတော် စသော ဗုဒ္ဓဘာသိတ ဒေသနာ၊ ပရိတ်ဂါထာတော်များကို ရွတ်ဆိုခြင်းကြောင့် အန္တရာယ်ကင်းရှင်းကြောင်း သာဓကများစွာ ရှိပေသည်။
နတ်ကောင်းနတ်မြတ်များလည်း လာရောက် နာကြားကြကြောင်း စာပေများတွင် လာရှိပါသည်၊ နတ်ကောင်းနတ်မြတ်များ လာရောက်ကြ၍ အန္တရာယ်ကို ပြုတတ်ကြသော နတ်ဆိုးနတ်ဝါးများ၊ တန်ခိုးငယ်သော နတ်များ၊ ရှောင်ခွါသွားခြင်းကြောင့်လည်း အန္တရာယ်ကင်းရှင်းကြခြင်းဖြစ်သည်။

အကယ်၍ အိမ်စောင့်နတ်သည် နတ်ဆိုးနတ်ဝါးဖြစ်က ၄င်းရှောင်ခွါသွားခြင်းပင်လျှင် အန္တရာယ်ကင်းခြင်းပင်ဖြစ်၍ လိုလားအပ်ပေသည်၊ သို့သော် စာပေများတွင် တန်ခိုးကြီးနတ်များ လာရောက်ခြင်းကို တန်ခိုးသေးသောနတ်များက လိုလားကြောင်း၊ သာနုသာမဏေ ၀တ္ထုတွင် သာမဏေ၏ သုံးဘ၀မှ မိခင်ဖြစ်ဖူးသော နတ်ဘီလူးမသည် သာမဏေမယ်တော်-ဟူသော ဂုဏ်ဖြင့် တန်ခိုးကြီးနတ်များက လာတိုင်းနှုတ်ဆက်နေ၍ ဂုဏ်ရှိနေရာ သာမဏေ လူထွက်တော့မည်ဆိုသဖြင့် ထိုဂုဏ်ပျက်မည်စိုး၍ သာမဏေ လူမထွက်အောင် ပူးကပ်ပြောဆိုကြောင်း ၀တ္ထုရှိပါသည်။

ထိုကိုထောက်က မိမိရွတ်ဆို၍ နတ်ကောင်းနတ်မြတ်များ လာလျှင် အိမ်စောင့်နတ်များ ပို၍ပင် ၀မ်းမြောက်ဂုဏ်ယူဖွယ် ဖြစ်ပေလိမ့်မည်၊ မိမိအိမ်သို့ မင်းစိုးရာဇာများလာလျှင် ၀မ်းသာဂုဏ်ယူကြရသည်ကို သာဓကပြုသင့်ပေသည်။