••••••••••••••••••••••••••••••••••••••••••••••••••••••••••
လူမှုဘဝရဲ့ နေ့စဉ်ကာလတစ်ခုမှာ မရှိမဖြစ်
တွေ့နေရတာကတော့ မိတ်ဆွေဆိုတဲ့
အရာတစ်ခုလဲပါပါတယ်။
လူတိုင်းရဲ့ဘဝမှာ အရင်းနှီးဆုံး မိတ်ဆွေတွေရှိမယ်။
သိပ်မသိ တသိမိတ်ဆွေတွေရှိမယ်။
သစ္စာရှိတဲ့ မိတ်ဆွေတွေရှိမယ်။
သစ္စာဖောက်သွားတဲ့ မိတ်ဆွေတွေရှိမယ်။
ကိုယ်အခက်အခဲရှိတဲ့အခါ ရှေ့ကနေ
မားမားမတ်မတ်ရပ်ပေးတဲ့ မိတ်ဆွေတွေရှိမယ်။
ကိုယ်အခက်အခဲဖြစ်တဲ့အခါ အဝေးကိုရှောင်ပြေးတဲ့
မိတ်ဆွေတွေ ရှိမယ်။
ပြောရရင်တော့ မိတ်ဆွေကအများကြီးပါ။
ဒါပေမဲ့ အားလုံး လိုချင်တာကတော့ သစ္စာရှိတဲ့
ကိုယ့်အပေါ်ကူညီမဲ့မိတ်ဆွေမျိုးပါ။
ဒါဆိုရင် ဘယ်လိုအတိုင်းအတာတွေနဲ့ ရွေးချယ်မလဲ
သိရအောင်မိတ်ဆွေတွေလိုက်နာရမဲ့
ကျင့်ဝတ်လေးတွေဖော်ပြလိုက်ပါတယ်။
“မိတ်ဆွေကျင့်ဝတ်ငါးခု”
•••••••••••••••••••••••••••••••••
(၁) ကိုယ့်မိတ်ဆွေတွေကို တတ်နိုင်တာ
ပေးကမ်းဝေငှ သုံးစွဲတာ၊
(၂) ဆင်းရဲရဲ ချမ်းသာသာ ကိုယ့်မိတ်ဆွေ
တန်းတူဆက်ဆံတာ၊
(၃) ကိုယ့်မိတ်ဆွေရဲ့ အကျိုးကို လိုလိုလားလား
ဆောင်ရွက်ပေးတာ၊
(၄) စကားပြောတဲ့အခါ ချိုချိုသာသာပြောဆိုဆက်ဆံတာ၊
(၅) ကိုယ့်မိတ်ဆွေအပေါ်မှာ ကတိတည်သစ္စာရှိတာ၊
ဒါကမိတ်ဆွေကောင်းတွေရဲ့ ကျင့်ဝတ်လေးတွေပါ၊
နောက်ထပ်လဲ ငါးခုရှိပါသေးတယ်။
အဲဒါတွေက
(၁) ကောင်းတာတွေလုပ်ရမှာကို သတိမေ့နေတဲ့
မိတ်ဆွေသူငယ်ချင်းကို ကောင်းတာ တွေလုပ်ဖြစ်အောင်
ဖေးမကူညီတာ၊ ဥပမာ စာမေးပွဲနီးလို့ စာမကျက်ဖြစ်တဲ့
သူငယ်ချင်းကို စာကျက်ဖြစ်အောင် ကူညီတာ၊
(၂) မိတ်ဆွေအဝေးတရပ်ခြား ခရီးသွားတဲ့အခါ
မိတ်ဆွေရဲ့ဥစ္စာစည်းစိမ်ကို စောင့်ရှောက်ပေးတာ၊
(၃) ကိုယ့်မိတ်ဆွေကြောက်လန့်နေတဲ့အခါ
ကြောက်လန့်မှုကိုပြေအောင် ဖျောင်းဖြပြောဆိုတာ၊
(၄) ဒုက္ခရောက်တဲ့အခါ ကိုယ့်မိတ်ဆွေကို
စွန့်ခွါမပြေးဘဲ အနားမှာနေပြီး အကူအညီပေးတာ၊
(၅) ကိုယ့်မိတ်ဆွေ ကွယ်လွန်သွားရင်တောင်
မိတ်ဆွေရဲ့ သားသမီးတွေကို ဆက်လက်
အကူအညီပေးတာ။
ဒါကနောက်တစ်မျိုး မိတ်ဆွေကျင့်ဝတ်ငါးခုပါ။
မိတ်ဆွေဖြစ်လာရင် ဒီလိုအချက် အလက်လေးတွေနဲ့
ပြည့်စုံအောင်ကြိုးစားကြည့်ရမှာပေါ့။
တစ်ယောက်နဲ့တစ်ယောက် ဒီအချက်လေးတွေနဲ့
ပြည့်စုံနေကြရင် သာယာတဲ့လမ်းကို
လျှောက်လှမ်းနိုင်ကြမှာပါ။
မိတ်ဆွေကျင့်ဝတ်လေးတွေမှတ်ထားပြီးတော့
မိတ်ဆွေတုနဲ့ အစစ်တွေရဲ့
သဘောထားလေးတွေကိုလည်း
မှတ်ထားကြည့်ပါဦး။
အဲဒါတွေက
မိတ်ဆွေတုလေးယောက်ရဲ့ သဘောထားများ၊
•••••••••••••••••••••••••••••••••••••••••••••••••••
(၁) ကိုယ့်သူငယ်ချင်းကိုကြတော့ ဘာမှမပေးဘဲ
ကိုယ်ကသာယူဖို့ပဲသိတဲ့ မိတ်ဆွေ၊
(၂) အပြောသာကောင်းပြီး လက်တွေ့မပါတဲ့
မိတ်ဆွေ ( အာရွှီးသမားကြီးပေ့ါ)၊
(၃) တစ်ဖက်သားအကြိုက်ကို လိုက်ပြောပြီး
ပေါင်းတတ်တဲ့ မိတ်ဆွေ(ကပ်ဖားပေါ့) ၊
(၄) ပျက်ဆီးရာ ပျက်ဆီကြောင်းတွေပဲပြောပြီး
ဆွဲဆောင်တတ်တဲ့ မိတ်ဆွေ။
ခုပြောပြခဲ့တဲ့ လေးယောက်က တစ်သက်လုံးမပေါင်းရမဲ့
မိတ်ဆွေပါ၊ ပေါင်းမိရင်တော့ ငါးပါးသာမဟုတ်ဘူး။
တစ်ဘဝလုံးပါပျက်စီးသွားမှာပါ။
ဒါဆိုဘယ်လိုမိတ်ဆွေတွေကိုပေါင်းကြမလဲ။
ဆက်ဖတ်ကြည့်ပါဦးနော်။
မိတ်ဆွေစစ်လေးယောက်
•••••••••••••••••••••••••••••••••
(၁) ကိုယ့်ကောင်းကျိုးကို ပြုလုပ်
ဆောင်ရွက်ပေးတတ်တဲ့မိတ်ဆွေ၊
(၂) ဆင်းရဲအတူ ချမ်းသာမခွဲလက်တွဲ
ခံစားတတ်တဲ့မိတ်ဆွေ၊
(၃) ဒီဘဝအတွက်ရော နောင်ဘဝအတွက်ပါ
ကောင်းတာတွေကို လမ်းညွှန်ပေးတတ်တဲ့ မိတ်ဆွေ၊
(၄) အမြဲတမ်းကိုယ့်ကို ကူညီစောင့်ရှောင့်တတ်တဲ့
မိတ်ဆွေ။
ပေါင်းမယ်ဆိုရင် ဒီလိုမိတ်ဆွေတွေကိုသာ
ရွေးပေါင်းပါတဲ့ ဒါမှသာ ကိုယ့်ဘဝတိုးတက်မှာ
ဖြစ်ပါတယ်။ နောက်တစ်ခု မိတ်ဆွေကောင်းကို
ပေါင်းသင်းရာမှာ တစ်ချို့က ဆင်းရဲ့လို့
ကိုယ့်ကို မကူညီနိုင်ဘူးထင်တတ်ကြပါတယ်။
မိတ်တွေကောင်းဆိုတာ ဆင်းရဲတာချမ်းသာတာနဲ့
မဆိုင်ပါဘူး။ အဓိကက “စိတ်ထားကောင်းဖို့”ပါ။
ထင်ရှားတဲ့သာဓကလေးပြောပြရရင်
မြတ်စွာဘုရားရှင်လက်ထက်က ဇေတဝန်
ကျောင်းဒကာကြီး အနာထပိန်ဟာ သူ့အောက်နှိမ့်ကျတဲ့
အသားမဲ့တဲ့ သူတစ်ယောက်နဲ့ သူငယ်ချင်းမိတ်ဆွေဖွဲ့ပြီး
ရင်းရင်းနှီးဆက်ဆံပါတယ်။ဒါကို အိမ်သူအိမ်သားတွေက
ဝိုင်းတားပါတယ်။
ဒါပေမဲ့ အနာထပိန်သူဋ္ဌေးကြီးကတော့ တွဲမြဲတွဲနေပါတယ်။
တစ်ခါတော့ အနာထပိန်သူဋ္ဌေးကြီးမှာ ပစ္စည်းဥစ္စာတွေ
ဆုံးရှူံးရမဲ့ ဘေးကနေ အဲဒီ အသားမဲတဲ့သူ့သူငယ်ချင်းက
ကယ်လိုက်ပါတယ်။
ဒီအကြောင့် မြတ်စွာဘုရားကို လျှောက်ထားတော့
မြတ်စွာဘုရားက မိတ်ဆွေဆိုတာ ဆင်းရဲတာ၊
ချမ်းသာတာအရေးမကြီးပါ။
စိတ်ထားကောင်းဖို့က အဓိကပါလို့ မိန့်ကြားလိုက်ပါတယ်။
အဲဒီတော့ စာဖတ်သူများ မိတ်ဆွေကိုရွေးချယ်မယ်ဆိုရင်
စိတ်ထားကောင်းတဲ့သူကိုသာ ရွေးချယ်ပေါင်းကြပါလို့
တိုက်တွန်းလိုက်ပါရစေ။
-【ရွှေမန်းသား ( အရှင်အကုင်္ရ)】
သာသနတက္ကသီလာဓမ္မာစရိယ၊
Dhamma Dãna Source ►
www.facebook.com/youngbuddhistassociation.mm