•••••••••••••••••••••••••••
ရိုသေစွာ လျှောက်ထားအပ်ပါသည် အရှင်ဘုရား။
တပည့်တော်ရဲ့ စိတ်ထဲမှာ မတင်မကျ အားမလိုအားမရ
ဖြစ်နေတဲ့ ဆူးငြောင့်တစ်ခုကို နုတ်ပေးစေလိုပါသည်
အရှင်ဘုရား။ နာဂစ် မုန်တိုင်းကြီး မြန်မာနိုင်ငံ
အောက်ပိုင်းကို ကြမ်းကြုတ်စွာ ဝင်ရောက်
တိုက်ခတ်စဉ်က မြန်မာလူမျိုး
လူတစ်သိန်းလောက် သေပြီး သိန်းပေါင်းများစွာ
အိုးအိမ်မဲ့၊အစာရေစာမဲ့ ဖြစ်သွားခဲ့ရပါသည်။
အဲဒီအခါမှာ ဘုန်းကြီးရှေ့မှာ ယောဂီတဘက်ကို
လည်ပင်းမှာ ပတ်ပြီး အလှူဒါန ပြုပြကြတဲ့
ယူနီဖောင်းဝတ်တို့ အလွန် ရက်စက်ခဲ့ကြပါသည်။
အဲဒီလူတွေဟာ ကိုယ်တိုင် မကူညီ သည့်အပြင်
ကူညီလိုသူကိုလည်း ပိတ်ပင်ခဲ့ကြသည်။
လှူဒါန်းသည်ကိုလည်း ဖြတ်စားခဲ့ကြပါသည်။
ဒါ့ပြင် ကမ္ဘာအရပ်ရပ်က ဘာသာမတူတဲ့ အလှူ့ရှင်တွေ
နည်းများမဆို ပါဝင်လှူဒါန်းနိုင်ပါလျက် သိန်းပေါင်း
ထောင်သောင်း ချီပြီး ချမ်းသာနိုင်တဲ့ ဘုရားဂေါပက
အဖွဲ့တွေ (ဥပမာ ရွှေတိဂုံဘုရား ဂေါပကအဖွဲ့)နှင့်
ဘုန်းကြီးကျောင်း ဂေါပကအဖွဲ့တွေ တစ်ပြားတစ်ချပ်မှ
ပါဝင်လှူဒါန်းသည် ဆိုတဲ့ သတင်းအစအနကို မတွေ့ရပါ။
“မေတ္တာပို့တာ ဗုဒ္ဓဘာသာ၊ လှူဒါန်းတာ အမျှဝေတာ
ဗုဒ္ဓဘာသာ” လို့ ဂုဏ်ယူစွာ ဆိုကြပါလျက်နဲ့
ဘာကြောင့် အဲသလို ဖြစ်ရသည်ကို
သိလိုပါသည် အရှင်ဘုရား။
(အောင်အောင်၊ ကနေဒါ)

“ပိတ်ပင်ရင်”
•••••••••••••••••••••••••••
ဝစ္ဆဂေါတ္တ အမည်ရှိ ပရိဗိုဇ်က ဗုဒ္ဓကို
“ရဟန်းဂေါတမနှင့် ရဟန်း ဂေါတမရဲ့ တပည့်တွေကို
လှူမှပဲ အကျိုးများတယ်။အခြားသူတွေကို မလှူနဲ့။
လှူရင် အကျိုး မများဘူးလို့ ဟောကြားတာ
မှန်ပါသလား” လို့မေးလျှောက်တဲ့အခါ ဗုဒ္ဓက
“ဝစ္ဆ .. မမှန်ပါဘူး။
အလှူရှင်ကို မလှူနဲ့လို့ တားမြစ်သူဟာ ..
❖(၁)အလှူရှင်ရဲ့ ကုသိုလ်ကို အန္တရာယ် ပြုသူ၊
❖(၂)အလှူခံတို့ရဲ့ ပစ္စည်းလာဘ်လာဘကို ဓားပြတိုက်သူ၊
❖(၃)အဲဒီ နှစ်မျိုးကို မပြုခင်ကတည်းက မိမိရဲ့ ဂုဏ်သတင်းကို
မိမိ ကိုယ်တိုင် ဖျက်ဆီးပစ်သူ ဖြစ်တယ်။
ဝစ္ဆ .. သတ္တဝါလေးတွေ စားသုံးပါစေ ဆိုပြီး
ခွက်ဆေးရေ လကဆေးရေကို ရေမြောင်းထဲ
ပစ်ချရင်တောင် ကုသိုလ်ရတယ်။
လူကို ပေးကမ်း လှူဒါန်းရင် အဘယ် ဆိုဖွယ်ရှိပါ့လဲ
(အံ ၁၊၁၈၀။ အံ-ဋ္ဌ ၂၊ ၁၄၃)” လို့ ဖြေပါတယ်။

ရှင်တော် ဗုဒ္ဓက သူများအလှူကို ပိတ်ပင်သူကို
ကိုယ့်ဂုဏ်သတင်းကို ကိုယ်ဖျက်သူ၊
သူများရဲ့ ကုသိုလ်ကို အဓမ္မလုယူတဲ့ ဖြတ်တိုက်ဓားပြ
(ပါရိပန္ထိက)လို့ မိန့်ပါတယ်။

“ဖြတ်စားရင်”
•••••••••••••••••••••••••••
ဖုဿမြတ်စွာဘုရား လက်ထက်မှာ ဗိမ္ဗိသာရ ဖြစ်လာမယ့်
မင်းမှုထမ်းရဲ့ဆွေမျိုး အလုပ်သမားတွေဟာ ဘုရားအမှူးရှိတဲ့
သံဃာတွေကို လှူဒါန်းဖို့ ပြင်ဆင်ထားတဲ့
အစားအသောက်တွေကို ဦးဦးဖျားဖျား
“နှိုက်စား(ဖြတ်စား)” ခဲ့ကြလို့ သေတဲ့အခါ
“ပြိတ္တာ” ဖြစ်ရတယ်။

“ကိုးဆယ့်တစ်ကမ္ဘာ” ကြာအောင် ပြိတ္တာဖြစ်ပြီး
ဂေါတမဗုဒ္ဓ လက်ထက်ထိ မကျွတ်နိုင်ဘဲ၊
ဗိမ္ဗိသာရရဲ့ ကုသိုလ်အမျှကို မျှော်လင့်တကြီးနဲ့
စောင့်နေကြစဉ် မင်းကြီးက ကုသိုလ်ကို အမျှဝေမှ
အဲဒီဘဝက လွတ်သွားကြတယ် (ဓမ္မပဒ-ဋ္ဌ ၁၊ ၆၆)။

နာဂစ် ကူညီခံတွေထဲမှာ “အရိယာပုဂ္ဂိုလ် မပါဘူး”
လို့ ဘယ်သူ ဆိုနိုင်မလဲ။ ပါခဲ့ရင် အရိယာတို့ရဲ့
အလှူကို ဖြတ်စားရာ ရောက်လို့ ဗိမ္ဗိသာရ
ဆွေမျိုးတွေနဲ့ “ပိန်မသာ၊လိမ်မသာ”ပဲ နေမှာ။
လောကမှာ ငွေနဲ့ အာဏာရာထူးကို
မက်မောလွန်းသူတွေဟာ
“သမိုင်းကိုလည်း မကြောက်၊ ငရဲဆိုလည်း ချိုနဲ့လား”
လို့ မေးတဲ့အထိ အကုန် လုပ်ရဲတာပါပဲ။

“သူတို့အလှူ”
•••••••••••••••••••••••••••
နာမည်ကျော်
-ကလင်တန်ဖောင်ဒေးရှင်း၊
-ဘီလ်ဂိတ် ဖောင်ဒေးရှင်း နဲ့ ရာပေါင်းများစွာသော
ခရစ်ယန် ဖောင်ဒေးရှင်းတွေလို ကမ္ဘာ့
အလှူရှင်ကြီးတွေဟာ လူမျိုး၊
ကိုးကွယ်တဲ့ ဘာသာ၊ အသားရောင် မခွဲခြားဘဲ
လူသားအချင်းချင်း စာနာရမယ်ဆိုတဲ့ လူဆန်တဲ့
အသိတစ်ခု နဲ့ သတ္တဝါတွေရဲ့ အကျိုးရှိဖို့ကိုပဲ
ရည်ရွယ်ပြီး ကမ္ဘာတစ်လွှားက ဆင်းရဲသားတွေရဲ့
ကျန်းမာရေး ပညာရေးနဲ့ စားဝတ်နေရေးတွေကို
ကူညီလှူဒါန်းပေးနေကြတယ်။

သူတို့ဟာ ကံကံရဲ့ အကျိုးဆိုတာကို နားမလည်ကြပေမယ့်၊
သူတို့ရဲ့ လုပ်ပုံက ဗုဒ္ဓကျမ်းဂန်မှာ အဓိပ္ပာယ်ဖွင့်ဆိုတဲ့
အလှူဒါနလုပ်နည်းတွေနဲ့ ညီညွတ်မှု ရှိနေတယ်။
သူတို့ရဲ့ နှလုံးသားဟာ ဗုဒ္ဓရဲ့ ဆန္ဒနဲ့လည်း
မဆန့်ကျင်လို့ သူတို့ရဲ့ ကုသိုလ်လုပ်ရပ်ကို
မလေးစားဘဲ မနေနိုင်ပါဘူး။
အောက်ပါ ဗုဒ္ဓကျမ်းစာ အဆိုတွေနဲ့ ညှိကြည့်ပါ။

“အလှူပါရမီ”
•••••••••••••••••••••••••••
❦“အယုတ် အမြတ် အလတ် ဖြစ်ကုန်သော
အလှူခံ ပုဂ္ဂိုလ်တကို မြင်လျှင် အောက်သို့
မျက်နှာပြုထားသော အိုးကဲ့သို့
(အိတ်သွန် ဖာမှောက်) မကြွင်းမရှိ ဒါနဝတ္ထုကို လှူလော့
ဟု ငါဘုရားသည် မိမိကိုယ်ကို ဆုံးမခဲ့၏ ။
(ဗုဒ္ဓဝံသ၊ ၁၁၉-ဂါထာ)”။

❦“ဒါနဟူသည် သတ္တဝါတို့အား ဘေးအန္တရာယ်ကင်းစေခြင်း၊
သတ္တဝါတို့၏ အသက် စည်းစိမ် အိုးအိမ်ကို သတ်ဖြတ်
လုယက် ဖျက်ဆီးခြင်းမှ ရှောင်ကြဉ်ခြင်း၊
သတ္တဝါတို့အား ဘေးရန်အမျိုးမျိုးမှ ကာကွယ်
စောင့်ရှောက်ခြင်းပင်ဖြစ်၏ ။(စရိယာပိဋက-ဋ္ဌ၊ ၂၉၇)”။

❦“တဏှာမာနဒိဋ္ဌိ မဖြစ်စေဘဲ သတ္တဝါတို့အပေါ် သနားခြင်း၊
နည်းလမ်း ကျွမ်းကျင်ခြင်း၊ရှေ့သွားပြုပြီး ဆောင်ရွက်သည့်
ပေးကမ်းခြင်းစသော ဂုဏ်ကျေးဇူးများသည် ပါရမီမည်၏
(ယင်း၊ ၃၆၉)”။

❦“ကရုဏာ (သနားခြင်း) နှင့် ဥပါယကောသလ္လဉာဏ်
(နည်းလမ်း ကျွမ်းကျင်မှု) ခြံရံမှ ဒါနသည် ပါရမီမြောက်ပြီး၊
မခြံလျှင် ပါရမီ မမြောက် (သီ-ဋီ-သစ် ၁၊၂၅၂)”။

အဲဒီ စာတွေအရ အမှန်တော့ သူတို့ရဲ့
ကူညီလှူဒါန်းမှုဟာ ပါရမီမြောက်သင့်တဲ့ အလှူမျိုးပါပဲ။
ဆက်ပြောရရင်
❦“ဂုဏ်ရှိသော ပုဂ္ဂိုလ်ကိုသာ ရှာဖွေ၍ မလှူဒါန်းဘဲ၊
ကရုဏာသက်ဖွယ် (သနားစဖွယ်)ကောင်းသော
ဒုက္ခိတ သတ္တဝါအားသော်လည်း အလှူကြီးကို
ပေးလှူသင့်၏ (သံ-ဋီ ၁၊၁၉၈)”ဆိုတဲ့
ဋီကာဆရာကြီး အရှင်မဟာဓမ္မပါလရဲ့ စကားကို
နားထောင်ပြီး ကျယ်ပြန့်တဲ့ လူသားပီသမှု အမြင်နဲ့
လူတိုင်းလည်း ဘုရားလောင်း ဖြစ်ခွင့် ရှိလို့
ဘုရားလောင်းစိတ်ဓာတ်နဲ့ ပရဟိတ ဆောင်ရွက်မှုကို
အားပေးသင့်ကြောင်းပါ။

“မဆန့်ကျင်”
•••••••••••••••••••••••••••
မြန်မာဗုဒ္ဓဝါဒီ တစ်ယောက်က
“ဝိစေယျ ဒါနံ ဒါတဗ္ဗံ =ပုဂ္ဂိုလ်ကို ရွေးချယ်ပြီး လှူရမယ်”
လို့လည်း ဘုရားဟော ရှိတယ် မဟုတ်လားလို့ မေးရင်
မင်းကွန်း တိပိဋကဓရ ဆရာတော်ကြီး ဖြေပုံက
“အလှူခံ အယုတ်၊အလတ်၊အမြတ် မရွေးဆိုတဲ့
ဗုဒ္ဓဝင်ပါဠိတော်စကားက ဗုဒ္ဓလောင်းလျာများအတွက်ဖြစ်ပြီး၊
ဒက္ခိဏာဝိဘင်္ဂသုတ် ပါဠိတော်လာ အလှူခံပုဂ္ဂိုလ်တွေကို
အဆင့် သတ်မှတ်ပြီး ခွဲခြားတာက သာမန် နတ်လူတို့အတွက်
ရည်ရွယ် ဟောတော်မူခြင်း ဖြစ်သောကြောင့်
ဆန့်ကျင်မှု မရှိ (မဟာ ဗုဒ္ဓဝင်အနုဒီပနီ၊ တွဲ ၁၊စာ-စော်)”တဲ့။

“မစိုးရိမ်ဆရာတော်ကြီး” ဖြေပုံ
••••••••••••••••••••••••••••••••••••••
“မစိုးရိမ်ဆရာတော်ကြီး” ဖြေပုံကတော့ ထူးခြားတယ်။
“အဲဒါက ဉာဏ်နုသူများအတွက် ဟောထားတဲ့ တရားပဲ။
ဉာဏ်ရင့် သူတွေ ဆိုတာက လယ်လုပ်တတ်သူနဲ့ တူတယ်။
လယ်လုပ် တတ်သူဟာ မြေဩဇာကောင်းတဲ့ နေရာစိုက်စိုက်၊
မြေဩဇာ မကောင်းတဲ့ နေရာစိုက်စိုက် နောက်ဆုံး
တောင်ထိပ်တက်ပြီး လယ်လုပ်အုံး အသီးနှံ ထွက်လာတာပဲ။
ဒါကြောင့် လယ်လုပ် တတ်သူအဖို့ မြေနေရာရွေးဖို့ မလိုဘူး။
ဉာဏ်နုသူတွေကတော့ လယ်မလုပ်တတ်သူနဲ့ တူတယ်။
လယ်မလုပ်တတ်သူဟာ မြေဩဇာကောင်းတဲ့ နေရာကို
ရွေးချယ်ပြီးလုပ်မှ အသီးအနှံ ရတယ်။
ဒါကြောင့် လှူတဲ့၊တန်းတဲ့နေရာမှာ ပုဂ္ဂိုလ်ရွေးချယ်ပြီး
လှူကြဖို့ “ဝိစေယျ ဒါနံဒါတဗ္ဗံ”ကို ဟောတာဘဲ
(ဘဒ္ဒန္တသူရိယာဘိ ဝံသထေရုပ္ပတ္တိကထာ၊ စာ-၁၁၅)”။

“ဘာကြောင့်”
••••••••••••••••••••••
ဘာကြောင့် ဆိုတာတော့ ဘုန်းကြီးလည်း မသိဘူး။
သက်ဆိုင် သူတို့ပဲ သိမှာ။
အင်း .. ဘုန်းကြီးတို့ ကိုယ်တိုင်လည်း
အဲဒီ ဘုရားဂေါပက ဘုန်းကြီးကျောင်းဂေါပက ဆိုတာတွေနဲ့
တစ်နည်း မဟုတ် တစ်နည်း ပတ်သက်နေတော့
အပြစ်တင်ရင်လည်း ခံရမှာပဲ။
ဂေါပကအဖွဲ့တွေ နာဂစ်ဒုက္ခသည်တွေကို
ကူညီထောက်ပံ့တဲ့ သတင်းအစအနကို ဘုန်းကြီးလည်း
မတွေ့မိဘူး။

ဒီကိစ္စမှာ ရဟန်းသံဃာ တစ်ပါးအနေနဲ့
စေတီပိုင် ၊ သံဃာပိုင် ပစ္စည်းတွေကို စီမံဆုံးဖြတ်ဖို့ ဆိုရင်
နည်းလမ်း ရှာဖွေရမှာ ဖြစ်ပေမယ့် လူတွေ အနေနဲ့တော့
မခက်ခဲနိုင်ဘူး။ ရွှေတိဂုံဘုရားထဲမှာ ဌာပနာထားတဲ့
လေးဆူသော ဓာတ်တော်တို့ရဲ့ ပိုင်ရှင်
ဗုဒ္ဓလေးဆူသာ နာဂစ် အချိန်က ရှိနေမယ်ဆိုရင်
“စေတီတော်ကို ပြုပြင်မွမ်းမံဖို့ လှူထားတဲ့
(အဲဒီလောက် များပြားဖွယ်ရှိတဲ့) ငွေတွေထဲကပိုလျှံတဲ့
ငွေအချို့ကို အလှူရှင်တွေ စိတ်ချမ်းသာစေတဲ့နည်းနဲ့
နာကျင်ခါးသီးစွာ ခံစားခဲ့ကြရတဲ့ နာဂစ် ဒုက္ခသည်တွေကို
လှူဒါန်းဖို့ ငါဘုရား ခွင့်ပြုတယ်”လို့
မိန့်တော်မူမှာ သေချာပါတယ်။

အကယ်၍ အဲဒီ ဘုရားပိုင်ငွေတွေကို လုပ်ပိုင်ခွင့်ရှိသူ
တစ်ဦး(သို့တည်းမဟုတ်)အာဏာပိုင်အဖွဲ့အစည်း တစ်ခုက
၎င်းတို့ရဲ့ ကိုယ်ကျိုးအတွက် အပိုင်စီးထားလို့ လုပ်ချင်လျက်၊
လုပ်သင့်လျက် မလုပ်ခဲ့ရတာ ဆိုရင်တော့ ရှင်တော်ဗုဒ္ဓက
အဲဒီလူတွေကို ဝစ္ဆဂေါတ္တကို မိန့်တော်မူသလို
ဖြတ်တိုက်ဓားပြ (ပါရိပန္ထိက) တွေလို့ ဆိုလေမလား။ ။
-【စာရိုက်ပူဇော်သူ - Admin Team of
Young Buddhist Association】
-【ဆရာတော်အရှင်ကေလာသ】
(ဇန်နဝါရီ ၊၂၀၊ ၂၀၁၄။)