•••••••••••••••••••••••••••••••••••••
အရှင်ဘုရား၊ ဆရာတော် တစ်ပါးက ရှစ်ပါးသီလ
(သို့မဟုတ်)ကိုးပါးသီလယူပြီး သီလနှင့်အိပ်လျှင်
အကျိုးရှိကြောင်း သင်ကြားပါသည်။
အခြားတစ်ပါးကမူ အိပ်ရာဝင်ခါနီး
ရှစ်ပါးသီလ ၊ ကိုးပါးသီလ ဆောက်တည်ခြင်းမှာ
လူပျင်းအလုပ်ဖြစ်၍ အကျိုးမများဟု ဆိုပြန်ပါသည်။
တပည့်တော် ခေါင်းရှုပ်သွားပါသဖြင့်
ဖြေကြားပေးစေချင်ပါသည် အရှင်ဘုရား။
ခင်မာလွင်(Long Island)

“နှစ်နာရီသီလ”
•••••••••••••••••••••••••••••••••••••
ဝိဇ္ဇာလယ ကျောင်းဆောင်တော်များ ရေချက်ချပွဲ
အခမ်း အနားမှာ မင်းကွန်း တိပိဋကဆရာတော်ကြီးက
ဤအချိန်အတွင်း ဆောက်တည်မယ်လို့ စိတ်ထဲက
အချိန်ကာလကို ပိုင်းဖြတ်ပြီး ဆောက်တည်ဖို့
ညွှန်ကြားရင်း ပရိသတ်အား ကိုးပါးသီလ ချီးမြှင့်ဖူး
တာကို အမှတ်ရတယ်။

“အချိန်ကာလ ပိုင်းခြားသတ်မှတ်ပြီး ဆောက်တည်တဲ့
ကာလပရိယန္တ သီလ၊
ရာသက်ပန် ဆောက်တည်တဲ့
အာပါဏကောဋိက သီလလို့ ဥပုသ်သီလ
ဆောက်တည်ပုံ နှစ်မျိုးရှိတယ် (ဝိသုဒ္ဓိမဂ္ဂ ၁၊ ၁၂)။
ဒီနေ့ , ဒီည , ဒီအချိန်အတွင်း ဆောက်တည်မယ်လို့
အချိန်ကို သတ်မှတ်ပြီး ဆောက်တည်ရင်
ကာလပရိယန္တသီလ (ဝိသုဒ္ဓိမဂ္ဂ-ဋီ ၁၊ ၃၃)။”
အဲဒီ ကျမ်းဆိုအရ ဆရာတော်ကြီး
မိန့်တော်မူတာ ဖြစ်ပါတယ်။
နှစ်နာရီကြာ အခမ်းအနားဆိုရင် အဲဒီ သီလက
နှစ်နာရီ ဥပုသ်သီလ ဖြစ်မှာပေါ့။
ဒါလည်း စိတ်ပါရင် အကျိုးရှိနိုင်တာပဲ။
ဘာမှန်း မသိ၊ သူများဆိုလို့ လိုက်ဆိုတာမျိုး
ဆိုရင်တော့ သိပ်မထူးခြားပါဘူး။

အလှူပွဲ အခမ်းအနားတွေမှာ ဆရာတော်ကြီးများက
စေတနာပိုပြီး ကာလပရိယန္တ ကိုးပါးသီလ ချီးမြှင့်တာကို
လက်ခံပေမယ့် အခြေအနေကောင်း ရှိပါလျက်
နှစ်နာရီပဲ တစ်နာရီပဲ ဥပုသ်စောင့် ကြည့်မယ်
ဆိုတာမျိုးကိုတော့ လူပျင်း အလုပ်လို့ ယူဆတဲ့
အတွက် ဘုန်းကြီး အားမပေးချင်ဘူး။

“အိပ်ခါနီး သီလ”
••••••••••••••••••••••
သာမန် အိမ်ထောင်သည် တစ်ယောက်အနေနဲ့
ရာသက်ပန် ဥပုသ်သီလ ဆောက်တည်ဖို့ ခက်တယ်။
ဒါကြောင့် တစ် ရက်၊ ခုနစ်ရက်၊ တစ်လ စသည် ..
အဓိဋ္ဌာန်ပြီး ဥပုသ်သီလ ဆောက်တည်နိုင်တယ်။
အကြောင်း မညီညွတ်သေးလို့ နေ့အချိန် မဖြစ်နိုင်ရင်
အမှန် စောင့်လိုစိတ်နဲ့ အနည်းဆုံး ညအိပ်ရာဝင်ခါနီး
ဥပုသ်သီလ ခံယူပြီး အိမ်တာမျိုးကိုတော့
ဘုန်းကြီးအားပေးပါတယ်။

သီလယူပြီးနောက်
အိပ်ရာပေါ်မှာ ကိုယ့်သီလကို အဖန်ဖန် ဆင်ခြင်ပြီး
အိပ်ရင် သီလာနုဿတိ (သီလကို ဆင်ခြင်ခြင်း)
ဘာဝနာလည်း ဖြစ်နိုင်တာပဲ။
အပျင်းပြေ သဘောမျိုး မဟုတ်ဘဲ၊
ဆန္ဒာဓိပတိ တပ်လုပ်ရင် အကျိုးလည်း ကြီးပါတယ်။
ရောဂါပျောက်ချင်လို့ ၊ စိတ်ဆိုး စိတ်ကောက်လို့ ၊
ဟန်ဆောင်ချင်လို့ ဆိုတဲ့ မမှန် စိတ်ထားနဲ့ ဆိုရင်တော့
နေ့ညမဟူ ဥပုသ်စောင့်လို့ အကျိုး မများနိုင်ပါဘူး။

“ရှောင်ရန်”
•••••••••••••••
ဝကဇာတ်တော် (ဇာ-ဋ္ဌ ၂၊ ၄၀၇)မှာ ကျောက်ဆောင်
တစ်ခုကို အမှီပြု နေထိုင်ပြီး သားကောင် ရှာမရတဲ့
ကျားသစ် တစ်ကောင်ဟာ
“အလုပ်မရှိတဲ့ အဆုံးဥပုသ်စောင့်တာပဲ ကောင်းတယ်”
ဆိုပြီး ဥပုသ်စောင့်ရင်း အိမ်သတဲ့။
ကျားသစ်ရဲ့ စိတ်ကို သိလိုတာနဲ့ သိကြားမင်းက
ဆိတ်ယောင်ဆောင်ပြီး လာပြသတဲ့။
ကျားသစ် နိုးပြီး တွေ့တော့
“ဥပုသ်ကို နောက်မှ စောင့်လည်း ရတာပဲ။
အစာရှိတုန်း ဖမ်းလိုက်ဦးမှ”ဆိုပြီး
ဆိတ်ကို ဖမ်းဖို့ ကြိုးစားသတဲ့။ ဖမ်းမရတဲ့အခါ
“အင်း၊ ငါ့ဥပုသ် မကျိုးသေးဘူး”ဆိုပြီး ပြန်အိပ်
သတဲ့။ သမာဒါန ဒုဗ္ဗလ ဖြစ်လို့ (စောင့်ထိန်းမှုမှာ
အားနည်းလို့) အဲဒါမျိုးတော့ မလုပ်သင့်ဘူး။
-【စာရိုက်ပူဇော်သူ - Admin Team of
Young Buddhist's Association】
-【ဆရာတော်အရှင်ကေလာသ】
Posted by►
www.facebook.com/youngbuddhistassociation.mm