•••••••••••••••••••••••
ဆရာတော် ဘုရား၊
မိန်းကလေး တစ်ယောက်သည် နှစ်ဘက်မိဘ
သဘောမတူသူ တစ်ယောက်နှင့် ချစ်ကြိုက်ကာ
လွန်ကျူးမိသဖြင့် “ကလေး”ကျန်ခဲ့ပါသည်။
ထိုလူမှာ နိုင်ငံခြားသို့ ရောက်သွားပါသည်။
ထိုလူ၏ မိဘများမှာ မိန်းကလေးနှင့် လွန်ကျုးမိသည့်
ကိစ္စကို သိသွားသော်လည်း မိန်းကလေးကို တာဝန်ယူရန်
မလိုကြောင်း အပြင်းအထန်ငြင်းဆိုသည့်ပြင်၊
မိန်းကလေးအား တွေ့သည့် နေရာတွင်
သတ်ပစ်မည်ဟုပင် ခြိမ်းခြောက်ပါသည်။
ထိုမိန်းကလေးနှင့် ပတ်သက်သူမှာလည်း မိဘများ၏
အလိုကျ တာဝန်မယူနိုင်ကြောင်း ပြောလျက်
အဆက်အသွယ် ဖြတ်ပြီး၊ မိန်းကလေးအား စွန့်ပစ်ခဲ့ပါသည်။

တစ်ဖက်မိဘများ၏ ထိုကဲ့သို့ မစာမနာ ပြောဆိုမှု များကို
ထိတ်လန့်ခြင်း၊ သွေးတိုးရောဂါရှင် အသက် ၆၀အရွယ်
မိခင်အို၏အသက်ကို ငဲ့ခြင်းတို့ကြောင့် ရက် ၆၀ကျော်သာ
ရှိသေးသည့် ရင်သွေးငယ်အား စွန့်လွှတ်ခဲ့ရပါသည်။
ထိုမိန်းကလေးမှာ ရင်သွေးကို စွန့်ရသည့် အတွက်
စိတ်ဒဏ်ရာရပြီး ပူပန်သောက ဖြစ်နေရပါသည်။

ထိုကိစ္စနှင့် ပတ်သက်၍ တပည့်တော် သိလိုသည်မှာ –
(၁)။ မိန်းကလေးသည် ပါဏာတိပါတကံ မြောက်သည့်
အတွက် ထိုအကုသိုလ်ကံကို မည်သို့ ဖြေဖျောက်နိုင်ပါ
မည်လဲ (မိန်းကလေးမှာ ရင်သွေးအား ရည်စူးပြီး၊
ကောင်းမှုပြုခြင်း၊ အထူးသဖြင့် မိဘမဲ့က လေးများကို
လှူဒန်းခြင်းများ ပြုလုပ်ပါနေပါသည်)။
(၂)။ မိန်းကလေး ပြုလုပ်နေသည့် ကုသိုလ်များကို
ရင်သွေးငယ် ရနိုင်ပါသလား။
(၃)။ မိန်းကလေးကို စွန့်ပစ်ခဲ့သည် ထိုလူသည်
မည်သို့သော အကုသိုလ် အပြစ်ကို ရနိုင်ပါသလဲ။
(၄)။ ထိုလူ၏ မိဘများသည်လည်း မည်သည့်
အကုသိုလ်အပြစ် ဖြစ်နိုင်ပါသလဲ။
(၅)။ မိန်းကလေး လွန်ကျူးမိသည့် ကံသည် သံသရာ
မှာ မည်သို့ အကုသိုလ် အကျိုးဆက် ဖြစ်နိုင်ပါသ သနည်း။
မိဘကို သတ်သည့်ကံနှင့် အလားတူပါသလား။
ကောင်းမှုပြုလျှင် အပါယ်မှ လွတ်နိုင်ပါသလား။
ဆရာတော်ဘုရား ကျန်းမာပါစေ။
-【မေသန့်ဖြူ】

(၁)။ “နိုးဘွာတေး”
•••••••••••••••••••••••••
ပြုသူက တောင်းပန် ဝန်ချလို့ အပြုခံက ကျေနပ်ရင်
ခံသာပါတယ်။ ဥပမာ “သောရေယျ သူဌေးသား”ဟာ
မိမိအပြစ်ကို ရဟန္တာကြီးဆီသွား၊ ကန်တော့
တောင်းပန်တဲ့ အခါ ရဟန္တာကြီးက ခွင့်လွှတ်တဲ့အတွက်
အပြစ်ငြိမ်းတဲ့ အပြင် ကိုယ်တိုင်လည်း ရဟန္တာဖြစ်သွားလို့၊
ဝဋ်ကြွေးလည်း ပြတ်တာပေါ့။

ဒါပေမယ့် သန္ဓေဖျက်တဲ့ ကိစ္စမျိုးက “ဘွာတေး”ခတ်ဖို့
မလွယ်ဘူး။ သူ့ကို တွေ့မှ မတွေ့တော့ဘဲ။
ဘဝသံသရာမှာ ပြန်ဆုံမိကြလို့ ဒီကိစ္စကို
ကိုယ့်ဟာကိုယ်ဖြစ်စေ၊သိနိုင်သူ တစ်ယောက်က
ပြောပြလို့ဖြစ်စေ၊ အဖြစ်မှန်ကိုသိပြီး တောင်းပန်
ခွင့်လွှတ်နိုင်ရင် (သို့မဟုတ်)လူ့ဘဝကို မရောက်ခဲ့နိုင်ရှာတဲ့
ရင်သွေးဟာ ရောက်ရာဘဝက အဖြစ်မှန်ကို သိပြီး
မိခင်လောင်းကို စာနာခွင့်လွှတ် နိုင်ရင် “ရန်ငြိုး”
ငြိမ်းစရာ ရှိပါတယ်။

ဗုဒ္ဓနဲ့ တွေ့လို့ ရန်ငြိုးပြတ်ခဲ့တဲ့ “ကာဠယက္ခိနီ” ဖြစ်ရပ်လိုပေါ့။
ရန်ငြိုး ငြိမ်းပေမယ့် မိခင်လောင်းမှာ လူသတ်မှုအတွက်
အကျိုးဆက်က ကျန်နေအုံးမှာ။

(၂)။ မသေချာ
•••••••••••••••••••••
အင်း .. သေသွားသူဟာ ဒီဘဝခန္ဓာ ကုန်ဆုံးတာနဲ့
နောက် ဘဝသစ်မှာ ချက်ခြင်း သွားဖြစ်တာပဲ။
အဲဒီဘဝသစ်ဟာ ဒီလူ့ဘဝနဲ့ နီးစပ်ဖွယ်ရှိတဲ့ ပရဒတ္တူပဇီဝီ
(သူတစ်ပါး ပေးကမ်းတာနဲ့ အသက်ဆက်ရတဲ့)
ပြိတ္တာမျိုးမှာဖြစ်မှသာ ကျန်ရစ်သူတို့ရဲ့ ရည်စူးဒါနကို
သာဓု ခေါ်နိုင်ပြီး အကျိုးရကြောင်း ကျမ်းဂန်မှာ
(မိလိန္ဒ၊ ၂၈၄) ဆိုတယ်။ ဒါကြောင့် သေသူကို ရည်မှန်းပြီး၊
လုပ်ရတဲ့ ကုသိုလ်မျိုးက လုပ်သူအတွက် သေချာပေမယ့်
ရည်စူး သူအဖို့တော့ ရေထဲက ငါးကိုခဲနဲ့ ပစ်သလို
မသေချာဘူး။

(၃)။ “ကြိုထိန်းမှ”
•••••••••••••••••••••
အပေါ်မှာ ဖော်ပြတဲ့ “မိန်းကလေးနဲ့ လွန်ကျူးမိသည့်ကိစ္စ”
ဆိုတာနဲ့ပါ ဆက်စပ်ပြီး ဒီလို ဆိုနိုင်တယ် ..
(၁) မိန်းကလေးက လွတ်လပ်သူ (မိဘတွေဆီက
အချစ်ရေး ၊အိမ်ထောင်ရးနဲ့ ပတ်သက်ပြီး
ကိုယ့်ဟာကိုယ် ဆုံးဖြတ် ပိုင်ခွင့် ရထားသူ)
ယောကျာ်းလေးက စောင့်ရှောက်ခံ
(အချစ်ရေးကို ကိုယ့်ဟာကိုယ် လွတ်လပ်စွာ
ဆုံးဖြတ်နိုင်ခွင့် မရှိသေးသူ) ဖြစ်ရင် မိန်းကလေး
သံသရာပြစ် ရှိတယ် (ကိုယ်လွတ်လပ်ပေမယ့်
မလွတ်လပ်သူနဲ့ ပတ်သက်မိလို့)။
(၂) ယောကျာ်းလေးက လွတ်လပ်သူ ၊မိန်းကလေးက
စောင့်ရှောက်ခံ ဆိုရင် ယောကျာ်းလေး သံသရာပြစ်ရှိတယ်။
(၃) နှစ်ဦးလုံး ထိုကဲ့သို့ မိဘတွေဆီက လွတ်လပ်ခွင့်ကို
မရသေးဘဲ စောင့်ရှောက်ခံ ဖြစ်နေကြရင် နှစ်ဦးလုံး
သံသရာပြစ် မလွတ်နိုင်ဘူး။
(၄) နှစ်ဦးလုံးဟာ မိဘတွေဆီက အချစ်ရေး၊
အိမ်ထောင်ရေးနဲ့ ပတ်သက်ပြီး ကိုယ့်ဟာကိုယ်
ဆုံးဖြတ်ပိုင်ခွင့် ရထားရင် နှစ်ဦးလုံး သံသရာပြစ် မရှိဘူး။
လောကပြစ် အနေနဲ့တော့ ထုံးတမ်းစဉ်လာ၊
တည်ဆဲ ဥပဒေတွေရဲ့ အဆုံးအဖြတ်ပဲ ဖြစ်မှာပေါ့။

ဒီနေရာမှာ ကလေး သေသွားခြင်းရဲ့ အဓိကတရားခံက
မိခင်လောင်းဖြစ်ပေမယ့် ကလေးကို သေစေတဲ့
အကြောင်းတရားတွေမှာ “ယောကျာ်းလေးရဲ့
အပြုအမူ ၊ အပြောအဆို” လည်း ပါနိုင်တယ်။

ဒါ့အပြင် နှစ်ဖက်မိဘ အသိုင်းအဝိုင်းရဲ့ ပယောဂလည်း
မကင်းနိုင်ဘူး။ ဒါကြောင့် ပါဝင်ပတ်သက်သူ အားလုံးမှာ
အဲဒီ အကုသိုလ်ရဲ့ သက်ရောက်မှု ရှိနိုင်တယ်။
သို့အတွက် ဒီလို အကုသိုလ်မျိုးဆိုတာ မကျူးလွန်ခင်
ကြိုတင်ပြီး နှစ်ဦးလုံး ဆင်ဆင်ခြင်ခြင် နေထိုင်ဖို့က
အရွယ်ရောက်သူ ယောကျာ်း ၊မိန်းမတို့ရဲ့ တာဝန်သာ
ဖြစ်ပါတယ်။

(၄)။ အပြစ်မကင်း
•••••••••••••••••••••
အမှတ် (၃) ရှင်းလင်းချက်ကို သေချာဖတ်ကြည့်ပြီး
ယောကျာ်းရဲ့ မိဘများသာမက မိန်းကလေးရဲ့ မိဘများပါ
ကလေးသေမှုအတွက် အပြုအမူ ၊ အပြောအဆို၊
အကြံအစည် ပတ်သက်ရင် ပတ်သက်သလောက်
သံသရာပြစ် ရှိနိုင်ကြောင်း နားလည်ပါ။

၅။ “အတုံ့အလှည့်”
•••••••••••••••••••••
မိဘကို သတ်သည့်ကံဆိုတာ မိမိရဲ့မိဘအရင်းကို
သတ်တာ။အခုက မိမိရဲ့ သန္ဓေသားကို သတ်တာ။
ဗုဒ္ဓဝါဒ ရှုထောင့်အရ သားသမီးအရင်းကို
သတ်တာဟာ “လူသတ်”ထဲမှာပဲ ပါတယ်။
ဒါကြောင့် သံသရာပြစ် အလေး၊အပေါ့ မတူ။

သန္ဓေသားကို ရည်မှန်းပြီး အခုပြုလုပ်တဲ့ ကုသိုလ်အတွက်
ပြုသူဟာ ပဋိသန္ဓေ ကောင်းကျိုးကိုရနိုင်
(အပါယ်လွတ်နိုင်) ပေမယ့်၊ ပဝတ္တိအခါ သန္ဓေဖျက်၊
လူသတ်ကံရဲ့ သားကောင် ဖြစ်နိုင်သေးတယ်။
ပြုသူ၊ခံသူ နှစ်ဦးဟာ တောင်းပန် ခွင့်လွှတ်ခွင့် မကြုံသရွေ့
“အမုန်းကြိုး” နဲ့ ချည်ခံနေရမှာ ဖြစ်ပြီး ဒီလူသတ်ကံ
အားကောင်းတဲ့ တစ်ချိန်ချိန် ကိုယ့်အလှည့်ရောက်လာဦးမှာ
သေချာပါတယ်။

“No Excuse”
•••••••••••••••••••••
ကြုံလို့ နည်းနည်း ရှည်လိုက်အုံးမယ် ..
ဒီဘက်က လူတွေက သံသရာပြစ်မှာ Excuse Me
လုပ်လို့ ရပေမယ့်၊လောကပြစ် မှာတော့ လွယ်လွယ်နဲ့
Excuse လုပ်လို့ မရဘူး။

ဒီလိုပါ … ယင်းတို့ရဲ့ ဘာသာရေး ယုံကြည်ချက်အရ
“အဖဘုရား သခင် .. ကိုယ်တော်ရှင်သည် အနန္တမေတ္တာ
ကြီးမားသောကြောင့် ကျွန်ုပ်၏အပြစ်ကို ခွင့်လွှတ်တော်မူပါ”
ဆိုရင် ဘုရားသခင်က “အိုကေ” ဖြစ်လို့ မကောင်းမှုကို
ဘယ်လောက် လုပ်ထားစေကာမူ တောင်းပန်ရုံနဲ့
ကောင်းကင်ဘုံနဲ့ ဆိုးကျိုးအတွက် ပူစရာမလိုဘူး။
ဒါပေမယ့် နေ့စဉ်ဘဝမှာတော့ လူတစ်ယောက်ဟာ
တစ်ခါထောင်ကျဖူးရင် တစ်သက်လုံး ဘာအလုပ်မှ
လျှောက်လို့ မရနိုင်တော့ဘူး။
အဲဒီ အရိပ်မည်းကြီး ပါနေလို့ သူ့ဘဝ သေသွားတာပဲ။
တစ်ခါ လိမ်ဖူးရင် သွားပြီ၊ နောက်ထပ်
ဘာမှ ပြောလို့၊ ပြင်လို့ မရတော့ဘူး။
ဒါကြောင့် ဒီဘက်က သာမန်လူအများစုဟာ
“ထောင်ကျမယ့်အလုပ် နဲ့ လိမ်ညာတာ”ကို
လွယ်လွယ်နဲ့ မလုပ်ကြဘူး။

“အရိပ်လို”
••••••••••••••••
ဗုဒ္ဓဝါဒအရ လုပ်မိတဲ့ ကုသိုလ်၊အကုသိုလ်ကံ ဆိုတာ
ပျောက် မသွားဘဲ ဘဝသံသရာမှာ ကိုယ့်နောက်က
အရိပ်လို လိုက်နေတယ် (ဆာယာဝ အနုပါယိနီ)။
အဲဒီလိုက်နေတဲ့ ကံရဲ့ အကျိုးပေးဆိုတာကို
ဘုရားလည်း မတားနိုင်ဘူး။ အဲဒါ သဘာဝ ဥပဒေ။
အဲဒီ သဘာဝ ဥပဒေကို ကြောက်လို့
“တောင်းပန်ရင် ပြေတဲ့ဆီ” ပြောင်းသွားတဲ့ ယုံကြည်မှု
မခိုင်တဲ့ မြန်မာအချို့တောင် ရှိဆို မဟုတ်လား။ ။
-【စာရိုက်ပူဇော်သူ - Admin Team of
Young Buddhist's Association】
-【ဆရာတော်အရှင်ကေလာသ】