“အာနန္ဒာ…ငါဘုရားပင်ပန်းလှပြီကွယ်။
အင်ကြင်းပင်တွေရဲ့ အကြားမြောက်ဘက်ကို
ခေါင်းထားပြီး ညောင်စောင်းပြင်ပါတော့။
လျောင်းစက်ဦးမယ်။”

ကုသိနာရုံပြည် မလ္လမင်းတွေရဲ့
အင်ကြင်းဥယျာဉ်ထဲမှာမြတ်စွာဘုရားက
အရှင်အာနန္ဒာကို မိန့်လိုက်တာပါ။
အရှင်အာနန္ဒာ ကလည်း မြတ်စွာဘုရားမိန့်ကြားတဲ့အတိုင်း
ညောင်စောင်းလို့ခေါ်တဲ့ ကုတင်ကို မြောက်ဘက်ကို
ခေါင်းထားပြီး ပြင်ပေးပါတယ်။

မြတ်စွာဘုရားက အရှင်အာနန္ဒာပြင်ပေးတဲ့
ညောင်စောင်းပေါ်မှာပဲ၊ညာခြေတော်ပေါ်မှာ
ဘယ်ခြေတော်ကို စဉ်းငယ်လွန်လွန်လေးတင်ပြီး
ညာဘက်နံတောင်းနဲ့ လျောင်းစက်တော်မူပါတယ်။

ပင်ပန်းနွမ်းနယ်ရုံတင်မကဘဲ၊အင်အားပါနည်းနေတဲ့
မြတ်စွာဘုရားကို ကြည့်ပြီး၊အရှင်အာနန္ဒာက
နှလုံးမသာမယာဖြစ်ရပြန်ပါတယ်။

မြတ်စွာဘုရား ဘယ်လောက်ပင်ပန်းနွမ်းနယ်ပြီး၊
အားအင်နည်းနေတယ်ဆိုတာ အရှင်အာနန္ဒာ အသိဆုံးပါ။
မြို့အဆင့်ဆင့်ကို ခြေလျင်ကြွတော်မူခဲ့တာ၊
ဒကာစုန္ဒရဲ့ ဝက်သားဆွမ်းစားအပြီးမှာ
သွေးဝမ်းသွန် ရောဂါဖြစ်လာတာ၊
ဒကာစုန္ဒ စိတ်မကောင်းဖြစ်နေမှာစိုးလို့
“ဒကာစုန္ဒ….သုဇာတာရဲ့ ဃနာဆွမ်းဟာ မြတ်စွာဘုရား
ရဲ့ ပထမဦးဆုံးဆွမ်းဖြစ်သလို ၊ သင့်ရဲ့ဆွမ်းဟာလည်း
မြတ်စွာဘုရား ဘုဉ်းပေးတဲ့ဆွမ်းတွေထဲမှာ နောက်ဆုံးဆွမ်းပဲ။
သင်သိပ်အရတော်တာပဲ။ သင်သိပ်အရ ကံကောင်းတာပဲ”လို့
မြတ်စွာဘုရား တစ်ဆင့်ပြောခိုင်းခဲ့တာ။
ပါဝါပြည်နဲ့ ကုသိနာရုံပြည် သုံးဂါဝုတ်ပဲဝေးတာကို
လမ်းခရီးမှာ နှစ်ဆယ့်ငါးကြိမ်တိတိ နားခဲ့တာ
စသည်စသည်တွေပါ။

ပင်ပန်းနွမ်းနယ်နေတဲ့ကြားကပဲ “သုဘဒ္ဒပရိဗိုဇ်”ကို
တရားဟောပြီး ရဟန်းပြုခိုင်းလို့ပြုပေးလိုက်ရပါသေးတယ်။
ဒါကြောင့် အရှင်အာနန္ဒာအနေနဲ့ မြတ်စွာဘုရားကို
နောက်ထပ်ပင်ပန်းမယ့် အပြုအမူမျိုး မလုပ်စေချင်တော့ဘူး။

အရှင်အာနန္ဒာက သူ့နောက်ကိုပြန်လှည့်ကြည့်လိုက်တော့
မြတ်စွာဘုရား ပရိနိဗ္ဗာန်ပြုမယ်ဆိုတာသိလို့ ရောက်လာတဲ့
ပရိသတ်တွေကို တွေ့လိုက်ရပါတယ်။
ပရိုသတ်တွေထဲမှာ ရဟန်းပရိသတ်၊လူပရိသတ် သာမက၊
နတ်ဗြဟ္မာ ပရိသတ်တွေပါ တွေ့ရပါတယ်။

ပရိသတ်အားလုံး မြတ်စွာဘုရားဆီက ဘယ်လို
မိန့်ကြားသံ ထွက်လာမလဲဆိုတာစောင့်မျှော်နေကြပါတယ်။
သိပ်မကြာလိုက်ပါဘူး။တိတ်ဆိတ်မှုတွေကြားထဲက
အနှိုင်းမဲ့အသံတော်တစ်ခု ထွက်ပေါ်လာပါတယ်။

►“ဟန္ဒဒါနိ ဘိက္ခဝေ၊
အာမန္တယာမိဝေါ။
ဝယဓမ္မာသင်္ခါရာ၊
အပ္ပမာဒေန သမ္ပာဒေထ။”
“ရဟန်းတို့ …သင်တို့ကို ယခုနောက်ဆုံး
ငါဘုရားမှာကြားခဲ့မယ်။
ရုပ်နာမ်ဓမ္မဆိုတဲ့ သင်္ခါရတရားတွေဟာ
ပျက်စီးတတ်တဲ့ သဘောရှိကြတယ်။
မမေ့မလျော့ သတိတရားနဲ့ အစစအရာရာ
ပြည့်စုံအောင်နေကြကုန်လော့။”

မိန့်ကြားသံအဆုံးမှာ နောက်ထပ်ဘာအသံတောင်မှ
ထွက်မလာတော့ပါဘူး။(၄၅)ဝါပတ်လုံး
ဟောခဲ့၊ပြောခဲ့တဲ့အထဲက နောက်ဆုံးစကားတော်လေးပါပဲ။

အရှင်အာနန္ဒာရဲ့နားထဲမှာတော့ မြတ်စွာဘုရားရဲ့
“အပ္ပမာဒေန သမ္ပာဒေထ၊မမေ့နဲ့
အစစအရာရာ သတိနဲ့နေကြ”
ဆိုတဲ့ စကားလေးက အကြိမ်များစွာ ပဲ့တင်ထပ်လျက်
ရှိနေခဲ့ပါတယ်။
-【သုတ်မဟာဝါပါဠိတော်၊မဟာပရိနိဗ္ဗာနသုတ်】

မင်္ဂလာ (၃၈)ပါးထဲမှာ “အပ္ပမာဒမင်္ဂလာ”ဟာ အဓိက
အကျဆုံးဖြစ်သလို၊မင်္ဂလာ(၃၈)ပါးကိုလည်း အဲဒီ
အပ္ပမာဒမင်္ဂလာကပဲ ပြန်ချုပ်ပါတယ်။
ပြီးတော့ ဗုဒ္ဓဘာသာဝင်တစ်ယောက်မှာ
မဖြစ်မနေရှိရမယ့် မင်္ဂလာတစ်ပါးလည်း ဖြစ်ပါတယ်။
ဘာဖြစ်လို့လည်းဆိုတော့ ဒီအပ္ပမာဒမင်္ဂလာဟာ
ပစ္စုပ္ပန်အကျိုးတင်မကဘဲ၊ဗုဒ္ဓဘာသာဝင်တို့ရဲ့
နောက်ဆုံးပန်းတိုင်ဖြစ်တဲ့ နိဗ္ဗာန်အထိရောက်အောင်
ပို့ဆောင်ပေးမယ့် မင်္ဂလာဖြစ်နေလို့ပါ။

အပ္ပမာဒမင်္ဂလာရဲ့ လိုရင်းကတော့
အစစ အရာရာသတိနဲ့နေဖို့ပါ။
စာသံပေသံနဲ့ ပြောရင်တော့
“သတိပဋ္ဌာန် ဝိပဿနာတရား” နဲ့နေဖို့ပါ။
သတိနဲ့ ဘယ်လိုနေမလဲ????

ကိုယ့်ရဲ့ဘဝ တစ်နေ့တာ
လှုပ်ရှားမှုပုံရိပ်တွေကို အာရုံပြုကြည့်လိုက်ပါ။

●မနက် အိပ်ရာကနိုးမယ်။
●ကိုယ်လက်သန့်စင်ခန်းသွားမယ်။
●မိသားစု မနက်စာ အတွက်ထမင်းချက်မယ်။
●ထမင်းကြော်မယ်။ရေနွေးကျိုမယ်။
●ပေါင်မုန့်မီးကင်မယ်။ကော်ဖီဖျော်မယ်။
●ပြီးရင် မိသားစုမနက်စာစားကြမယ်။
●ဈေးမသွားခင် ရေချိုးမယ်။
●အဝတ်အစား လဲမယ်။
●ဈေးသွားမယ်။ဈေးထဲမှာ ဟိုဟိုဒီဒီကြည့်မယ်။
●စကားတွေ ပြောချင်သည်ဖြစ်စေ၊
မပြောချင်သည်ဖြစ်စေပြောရမယ်။
●အဲဒီအခါမှာ ပီတိ ဖြစ်စရာ၊ဒေါသဖြစ်စရာကြုံမယ်။
●အိမ်ပြန်ရောက်ရင် ချက်မယ်။ကြော်မယ်။
●အိမ်ရဲ့ ဝေယျာဝစ္စတွေ လုပ်မယ်။
●ရေသောက်မယ်။ကျင်ကြီး၊ကျင်ငယ်စွန့်မယ်။
●ညရောက်ရင် အိပ်မယ်။

ဒါကယေဘူယျပြောတာပါ။
ဒီထက် အသေးစိတ် ရှိကြမှာပါ။
လူတစ်ယောက်ရဲ့ တစ်နေ့တာမှာ ပထမဆုံး
တွေ့ကြုံလိုက်ရမယ့်အမူအရာက အိပ်ရာက
နိုးလိုက်တာပါပဲ။
ဒါပထမဆုံး တွေ့ကြုံရမယ့် အမူအရာပါ။

■အဲဒီတော့ အဲဒီနိုးတာလေးကို
ဘယ်လိုလုပ်ရမလဲဆိုတော့
မြတ်စွာဘုရားက မဟာသတိပဋ္ဌာနသုတ်မှာ
“ဇာဂရိတေ သမ္ပဇာနကာရီဟောတိ”
လို့ ဟောထားပါတယ်။
(ရှေ့မှာလည်း မဟာသတိပဋ္ဌာနသုတ်လာတဲ့
အတိုင်းရေးသွားပါ့မယ်။)
အဓိပ္ပါယ်ကတော့
“နိုးရင် နိုးတယ်နိုးတယ်လို့ သိနေလိုက်ပါ”တဲ့။

နိုးလိုက်တာနဲ့တစ်ပြိုင်နက် တခြားဘာမှမတွေးလိုက်ဖို့နဲ့
ငေါက်ကနဲ မထလိုက်မိဖို့ပါ။

နိုးစိတ်ကလေးကိုအာရုံပြုပြီးတော့ “နိုးတယ်၊နိုးတယ်”လို့
မိနစ်ပိုင်းလောက် မှတ်နေလိုက်ရပါမယ်။
ဒီအပြုအမူဟာ ဘဝရဲ့ တစ်နေ့တာကို
“သတိပဋ္ဌာန် ဝိပဿနာ” နဲ့ ဖွင့်လိုက်တာပါ။

■ထတော့မယ်ဆိုရင်လည်း ချက်ချင်းမထသေးဘဲ၊
ထချင်တဲ့စိတ်ကလေးကို အာရုံပြုပြီး
“ထချင်တယ်၊ထချင်တယ်”လို့ မှတ်နေလိုက်ပါ။

ထရပြီ ဆိုတော့ ထဖို့အားယူတော့
“အားယူတယ်၊အားယူတယ်” လက်ထောက်ပြီဆိုတော့
“လက်ထောက်တယ်၊လက်ထောက်တယ်”လို့
လိုက်မှတ်နေရမှာဖြစ်သလို၊ ခန္ဓာကိုယ်ကြီးအပေါ်ကို
တရွေ့ရွေ့နဲ့ တက်သွားတာကို အာရုံပြုပြီး
“ထတယ်၊ထတယ်”လို့ လိုက်မှတ်နေလိုက်ပါ။
မှတ်တယ်ဆိုတာ နားလည်အောင်ပြောတာပါ။
မဟာသတိပဋ္ဌာနသုတ်လာ အတိုင်းပြောရင်
လိုက်လိုက် သိ နေဖို့ပါပဲ။

ထတဲ့နေရာမှာ မဟာစည်ဆရာတော်ဘုရားကြီးက
ခါးနာနေတဲ့ လူမမာလို ဖြည်းဖြည်းလေး
ထရမယ်လို့ မိန့်မှာထားပါတယ်။

■နောက်-ခြင်ထောင်ကိုမတာ၊ခြေထောက်ကိုချတာ
စတဲ့ ကိုယ်အမူအရာတွေကို လိုက်လိုက်သိနေရပါ့မယ်။
သတိလေးတွေနဲ့အတူ ခြင်ထောင်အပြင်ရောက်ပြီ
ဆိုတော့ ကိုယ်လက်သန့်စင်ခန်း သွားတော့မှာပါ။
ဒီတော့ “ဂစ္ဆန္တောဝါ ဂစ္ဆာမီတိပဇာနာတိ”
သွားရင် သွားတယ်၊သွားတယ်လို့ သိပါတဲ့။
တစ်လှမ်းချင်း လှမ်းလှမ်းသွားတာလေးကို
လိုက်လိုက်သိနေဖို့ပါ။

■ကိုယ်လက်သန့်စင်ခန်းအရောက်မှာ
သွားတိုက်တံကိုင်တာ၊သွားတိုက်ဆေးထည့်တာ၊
ရေခွက်ကိုင်တာ စတဲ့ အမူအရာတွေကိုလည်း
သတိလေးနဲ့ လိုက်လိုက်သိနေရပါမယ်။

ကိုယ်လက်သန့်စင်ပြီးပြီဆိုတော့ အိမ်ထောင်ရှင်
အမျိုးသမီးတစ်ယောက်ဆိုရင် မိသားစုမနက်စာအတွက်
ချက်ရ၊ပြုတ်ရ၊ကြော်ရတော့မှာပါ။

ထမင်းချက်တာ၊ထမင်းကြော်တာ၊
ရေနွေးကျိုတာ၊ကော်ဖီဖျော်တာ၊ပေါင်မုန့်မီးကင်တာ
စသည်ဖြင့် ကိုယ်အမူအရာပြုတိုင်းပြုတိုင်း
လိုက်လိုက်မှတ်နေဖို့၊ လိုက်လိုက်သိနေဖို့ပါ။

ဥပမာ-ထမင်းကျော်တော့မယ်ဆိုရင် ဒယ်အိုးကို
မီးဖိုပေါ်တင်တော့ “တင်တယ်၊တင်တယ်”
ဆီထည့်တော့ “ထည့်တယ်၊ထည့်တယ်”

ကြက်သွန်ထည့်တော့ “ထည့်တယ်၊ထည့်တယ်”၊
ဆနွင်းမှုန့်ထည့်တော့ “ထည့်တယ်၊ထည့်တယ်”၊
နောက်-ထမင်းတွေဒယ်အိုးထဲထည့်တာ၊
ပဲငံပြာရည်ထည့်တာ၊စားတော်ပဲထည့်တာ၊ယောက်မနဲ့
မွှေတာ စသည်ဖြင့်ပေါ့။ ပြုနေဆဲ ကိုယ်အမူအရာတိုင်းကို
လိုက်လိုက်မှတ်နေဖို့၊လိုက်လိုက်သိနေဖို့ပါ။

အမှတ်သတိနဲ့ကြော်မယ်ဆိုရင် “ထမင်းကြော်နေတယ်”
လို့တောင် ပြောဖို့မကောင်းပါဘူး။
ဝိပဿနာ ကြော်နေတယ်လို့တောင် ပြောဖို့ကောင်းပါတယ်။
မြတ်စွာဘုရား လက်ထက်က အမှတ်သတိနဲ့
ထမင်းဟင်းချက်ရင်း တရားထူးရသွားတဲ့
သာဓကဝတ္ထုတွေလည်း အများကြီးရှိပါတယ်။

အဲဒီလိုမှမဟုတ်ဘဲ “ကိုကိုက ထမင်းကြော်ဆိုရင်
သိပ်ကြိုက်တာ၊အစို့ပေါက်နေတဲ့ စားတော်ပဲပြုတ်လေးနဲ့
ကြော်ရင် ပိုတောင်ကြိုက်သေးတယ်”စသည်ဖြင့်
ကိုကို့ကို ချစ်ခင်စွဲလမ်းတဲ့ “တဏှာ”ကို တွေးပြီး၊
ကြော်နေမယ်ဆိုရင်တော့ဖြင့် ထမင်းကြော်တာမဟုတ်ဘဲ၊
ကိုကိုတွေ ကြော်နေတာ ဖြစ်နေပါလိမ့်မယ်။

ဒါကြောင့် ထမင်းကြော်ခါနီးမှာ “ငါ ဝိပဿနာကြော်မလား၊
ကိုကိုကြော်မလား” ဆိုတာ ကိုယ့်ကိုယ်ကို ပြန်မေးပြီးမှ
ကြော်ဖို့ ကောင်းပါတယ်။

ဒီလိုနဲ့ မိသားစု မနက်စာစားဖို့ အချိန်ရောက်လာပြီပဲဆိုပါတော့။
“အသိတေပီတေခါယိတေသာယိတေ သမ္ပဇာနကာရီဟောတိ”
စားတဲ့အခါ၊သောက်တဲ့အခါ၊ခဲတဲ့အခါ၊လျက်တဲ့အခါ၊
သိလျက်ပြုပါ၊ သိသိနေပါတဲ့။

ဇွန်းကို ယူလိုက်တာ၊ ပါးစပ်ထဲခွံ့တာ၊ ဝါးတာ၊
အရသာကို သိတာ၊မျှိုချတာ စသည်ဖြင့် အမူအရာတိုင်း
လိုက်လိုက် သိနေရပါမယ်။လိုက်လိုက် မှတ်နေရပါမယ်။

■ထမင်းဝိုင်းမှာ မိသားစု စုံလို့
စကား ပြောတော့မယ်ဆိုရင်လည်း
“ဘာသိတေသမ္ပဇာနကောရီဟောတိ” သိလျက်ပြောပါ။
ပြောတာလေးကို သိနေပါတဲ့။

■ရှေ့တည့်တည့်မှာရှိတဲ့ ခင်ပွန်းကို ကြည့်တဲ့အခါ၊
ညာဘက်ကသားကို ကြည့်တဲ့အခါ
“အာလောကိတေဝိ လောကိတေသမ္ဗဇာနကာရီဟောတိ”
တူရူတည့်တည့်ကြည့်တဲ့အခါ၊
စောင်းငဲ့ပြီး ကြည့်တဲ့အခါမှာလည်း သိလျက်ကြည့်ပါတဲ့။

■ဟင်းခွက်ကို လှမ်းခပ်ဖို့ လက်ကိုဆန့်လိုက်တဲ့အခါ
ဟင်းခပ်ပြီးလို့ ပန်းကန်ထဲထည့်ဖို့ လက်ကိုကွေးလိုက်တဲ့အခါ
“သမိဉ္ဇိတေပသာရိ တေသမ္ပဇာနကာရီဟောတိ”
ဆန့်တဲ့အခါ၊ကွေးတဲ့အခါတွေမှာလည်းသိလျက်ပဲပြုပါတဲ့။

■စားသောက်ပြီးလို့
ကျင်ကြီး၊ကျင်ငယ်စွန့်တော့မယ်ဆိုရင်လည်း
“ဥစ္စာရပဿဝကဓမ္မသမ္ပဇာနကာရီဟောတိ”
ကျင်ကြီး၊ကျင်ငယ်စွန့်တဲ့အခါမှာလည်း
သိလျက်စွန့်ပါ။သိနေပါတဲ့။
“စွန့်ချင်တယ်၊စွန့်ချင်တယ်၊စွန့်တယ်စွန့်တယ်”စသည်ဖြင့်
အမှတ်သတိလေးနဲ့ စွန့်ပါတဲ့။

မြတ်စွာဘုရားကအောက်ထစ်ဆုံး ကျင်ကြီး၊ကျင်ငယ်
စွန့်တဲ့နေရာမှာတောင် ဝိပဿနာတရားအားထုတ်ဖို့
မိန့်မှာထားပါတယ်။

ရှေ့မှာရေးခဲ့တာတွေကို ပြန်ချုပ်ရင်
ကိုယ်အမူအရာ ပြုတိုင်းပြုတိုင်း လိုက်လိုက်သိနေဖို့နဲ့၊
စိတ်အမူအရာ ဖြစ်တိုင်းဖြစ်တိုင်း လိုက်လိုက်သိနေဖို့ပါ။

တရားအားထုတ်တယ်ဆိုတာ ဘုရားရှေ့မှာ တင်ပလ္လင်ခွေထိုင်
မျက်စိမှိတ်အားထုတ်နေမှ အားထုတ်တာမဟုတ်ပါဘူး။
သွားဆဲ၊ရပ်ဆဲ၊ထိုင်ဆဲ၊အိပ်ဆဲ၊စားဆဲ၊သောက်ဆဲ၊ပြောဆဲ၊
ဝတ်ဆဲ၊စွန့်ဆဲ စတဲ့အမူအရာတွေမှာ အမှတ်သတိပါနေရင်လည်း၊
သတိလေးနဲ့ပြုနေရင်လည်း တရားအားထုတ်နေတာပါပဲ။

ဂျာနယ်စာမျက်နှာငဲ့ပြီး ကျန်တဲ့အသေးစိတ်တွေကိုတော့
ကိုယ်တိုင်ပဲချွဲ့ထွင်ပြီး သိပါတော့။

ညအိပ်တဲ့အခါမှာလည်း အမှာသတိလေးနဲ့
အိပ်ရမယ်လို့ဆိုထားပါတယ်။
ကြိုက်တဲ့ဣရိယာပုတ်နဲ့ တရားမှတ်လို့ရတာဆိုတော့
အိပ်ရာပေါ်မှာလှဲအိပ်နေတဲ့အခါ နှာသီးဖျားလေးဆီကို
စိတ်ပို့လိုက်ပြီး “ဝင်တယ်၊ထွက်တယ်”လို့ပဲ မှတ်မှတ်၊
ဒါမှမဟုတ် ဝမ်းဗိုက်ဆီကို စိတ်ကိုပို့လိုက်ပြီး
“ဖောင်းတယ်၊ပိန်တယ်”ပဲမှတ်မှတ်
နှစ်သက်ရာ ကမ္မဋ္ဌာန်း တစ်ခုခုကိုပွါးပြီးအိပ်သင့်ပါတယ်။

စာရေးသူမှာ အိပ်မပျော်တဲ့ရောဂါရှိတယ်။
ကျန်တဲ့အချိန်တွေသာ တရားမမှတ်ဖြစ်ချင်နေမယ်။
အိပ်တဲ့အချိန်ကိုတော့ မဖြစ်မနေမှတ်ဖြစ်အောင်တော့
ကြိုးစားရပါတယ်။ကုသိုလ်လိုချင်လို့တော့ မဟုတ်ပါဘူး။
မြန်မြန်အိပ်ပျော်ချင်လို့ပါ။
အဲဒီလိုမှမဟုတ်ရင် တောင်တွေး၊မြောက်တွေးနဲ့
တော်တော်နဲ့ အိပ်မပျော်တော့ပါဘူး။

တရားမှတ်ပြီးအိပ်တဲ့အကျင့်လေးကို
စွဲနေအောင် လေ့ကျင့်ထားဖို့ကောင်းပါတယ်။
ဘာဖြစ်လို့လည်းဆိုတော့ တရားမှတ်ပြီးအိပ်ရင်
မြန်မြန်အိပ်ပျော်သလို မနက်အိပ်ရာကထရင်လည်း
လန်းလန်းဆန်းဆန်း ဖြစ်နေတတ်ပါတယ်။
အဓိကကတော့ မှတ်လျက်ပဲအိပ်ပျော်သွားဖို့ပါ။

ဘဝတစ်နေ့တာရဲ့အစကို ဝိပဿနာနဲ့ဖွင့်ပြီး
ဘဝတစ်နေ့တာရဲ့အဆုံးကို ဝိပဿနာနဲ့
ပြန်ပိတ်လိုက်ရတာဟာ ရေးနေတဲ့
စာခေါင်းစဉ်အတိုင်းပြောရရင်
တော်တော်လေး မင်္ဂလာရှိသွားတာပါ။

ဝိပဿနာတရားဆိုတာ လက်တွေ့ဘဝထဲအထိ၊
လက်တွေ့လုပ်ငန်းခွင်ထဲအထိရောက်အောင်
အားထုတ်ရပါတယ်။
“လက်တွေ့ဘဝထဲအထိ၊
လက်တွေ့လုပ်ငန်းခွင်ထဲအထိ”ရောက်အောင်
အားထုတ်နိုင်မှ၊အသုံးချနိုင်မှလည်း အဓိပ္ပါယ်ရှိတာပါ။
ရိပ်သာတွေတော့ အကြိမ်ကြိမ်ဝင်ပါရဲ့၊
ရိပ်သာတွေနဲ့လည်း နီးနီးစပ်စပ်နေပါရဲ့။
ဆရာတော်တွေနဲ့လည်း ရင်းရင်းနှီးနှီးရှိပါရဲ့။
ဒါပေမယ့် ဒေါသတွေကြီးကြီးပြနေမယ်၊
ဟိုလူ့အပြစ်၊ဒီလူ့အပြစ် ပြောပြောနေမယ်ဆိုရင်တော့
ကိုယ်အားထုတ်နေတဲ့ ဝိပဿနာတရားဟာ
လက်တွေ့ဘဝထဲအထိ မရောက်သေးဘူးဆိုတာ၊
လက်တွေ့ဘဝထဲအထိရောက်အောင်
အားမထုတ်နိုင်သေးဘူးဆိုတာ
ပြသရာလည်းရောက်ပါတယ်။
ပြီးတော့ “ဟွန်း …တရားတွေ အားထုတ်နေပြီးတော့”
လို့လည်း ကွယ်ရာမှာ အပြစ်တင်ခံရပါလိမ့်မယ်။

အစစအရာရာ သတိနဲ့နေတတ်တဲ့အကျင့်ကလေးကို
အမြဲမဟုတ်တောင် တစ်ပတ်တစ်ခါ
ကိုယ့်ရဲ့မွေးနေ့လေးတွေမှာတော့
သတိထားနေကြည့်သင့်ပါတယ်။
တစ်နေ့လုံးမတတ်နိုင်ရင်တောင် အချိန်ပိုင်းလေးနဲ့ပေါ့။
-【စာရိုက်ပူဇော်သူ - Admin Team of
Young Buddhist's Association】
တကယ်တော့ အလုပ်ကို “အလုပ်” လို့သဘောမထားဘဲ၊
အလုပ်တိုင်းကို “တရား”တွေလို့ နှလုံးသွင်းထားလိုက်မယ်ဆိုရင်
“အလုပ်တိုင်း” ဟာကိုယ့်အတွက်
“တရားတွေ” ဖြစ်နေတော့မှာပဲလေ။
-【ဆရာတော်အရှင်ရာဇိန္ဒ (ရဝေနွယ် - အင်းမ)】
Posted by
www.facebook.com/youngbuddhistassociation.mm
(မဟာသတိပဋ္ဌာနသုတ်၊မဟာစည်ဆရာတော်ဘုရား၊
သဒ္ဓမ္မရံသီဆရာတော်ဘုရား၊ဆရာတော်ဦးဇောတိက၊
အရှင်ဆန္ဒာဓိကတို့ရဲ့ စာအုပ်တွေကို
အခြေခံပြီးရေးပါတယ်။)
(အလင်းတန်းဂျာနယ်၂.၂.၂၀၀၄)
[မင်္ဂလာအတွေးများ(၂၁)
အပ္ပမာဒေါစဓမ္မေသု၊
ဧတံမင်္ဂလမုတ္တမံ။
ကုသိုလ်တရားတို့၌
မမေ့လျော့ခြင်းသည်မြတ်သော မင်္ဂလာမည်၏။
လုပ်ကိုင်ပြောကြားသတိထား၊တရားမမေ့စေ။
အပ္ပမာဒေန သမ္ပာဒေထ။
-【အရှင်ရာဇိန္ဒ(ရဝေနွယ်-အင်းမ) ၏
“မင်္ဂလာအတွေးများ”နှာ140-149မှ-
ကောက်နှုတ်ကူးယူပူဇော်မျှဝေပါသည်။】