ဆရာတော်ဘုရား၊ ပုဏ္ဏကနတ်ဘီလူးသည် ဝေဿ၀ဏ်နတ်မင်းကြီး၏ တူတော်သည်-ဟု ဇာတ်တော်တွင် ဆိုပါသည်။
၁။ မည်ကဲ့သို့ တူတော်စပ်ပါသနည်း။
၂။ ပုဏ္ဏကသည် အင်္ဂုလိမာလအလောင်းဟု ဆိုရာ အင်္ဂုလိမာလမှာ ရဟန္တာဖြစ်ပြီး ပရိနိဗ္ဗာန်စံသွားပြီးဖြစ်၍ ဆေးသမားများအလို ပုဏ္ဏက၊ ပေါရိသာဒ၊ စေးနှဲဘီလူးတို့ ယခု ရှိနိုင်-မရှိနိုင် ဖော်ပြပေးတော်မူစေလိုပါသည်
ဘုရား။
( ဦးညိုဝင်း-ကသာမြို့ )


( ဖြေ )
ဝိဓုရဇာတ်တော်တွင် ပုဏ္ဏကသည် ဝေဿ၀ဏ်နတ်မင်းကြီး၏ ဘာဂိနေယျ-တူတော်သူ-ဟု ဆိုပါသည်။
ဘာဂိနေယျ-ဟူသည်မှာ ဘဂိနိယာ အာပစ္စံ ဘာဂိနေယျော-ဟု အဘိဓာန်ဋီကာ ဖွင့်ဆိုပြသဖြင့် နှမ၏ သား-
တူ-ဟု မှတ်သားရပါသည်။

ပုဏ္ဏကတို့သည် ဤမြတ်စွာဘုရား လက်ထက်၌ အင်္ဂုလိမာလ ရဟန္တာဖြစ်၍ ပရိနိဗ္ဗာန်ဝင်စံတော်မူကြပြီး ဖြစ်သဖြင့် ဤခေတ် ဆေးလောကရှိ ပုဏ္ဏက စသည်တို့မှာ ယခင် ပုဏ္ဏကတို့၏ အဆက်အနွယ် ပုဏ္ဏကများသာ ဖြစ်ဖွယ်ရှိပါသည်။