အရှင်ဘုရား၊ တပည့်တော်သည် ပရိယတ္တိနှင့် ပဋိပတ္တိကို သိရှိနားလည်ပါ၏။ သို့ရာတွင် ပဋိဝေဓဆိုသည်ကို တိတိကျကျ မသိရှိပါသဖြင့် ဖြေကြားပေးတော်မူပါဘုရား။
(ထိန်လင်း-မင်္ဂလာတောင်ညွန့်၊ ရန်ကုန်)
(ဖြေ) သာသနာသုံးရပ် ဟူသည်မှာ
(၁) ပရိယတ္တိသာသနာ-စာပေပိဋကတ် သင်ကြားမှု။
(၂) ပဋိပတ္တိသာသနာ-ကမ္မဋ္ဌာန်းဘာဝနာ အားထုတ်မှုနှင့်
(၃) ပဋိဝေဓသာသနာ-ထိုးထွင်း၍ သိခြင်း (မဂ်၊ ဖိုလ်၊ နိဗ္ဗာန် တရားမှန်ကို သိမှု) တို့ ဖြစ်ပါသည်။
တရားအားထုတ်၍ သောတာပတ္တိမဂ်ဖိုလ်ကို ရရှိခြင်းမှစ၍ နိဗ္ဗာန်မျက်မှောက်ပြုရခြင်းအထိ ပဋိဝေဓ သာသနာ ခေါ်ပါသည်။
ဥပမာပြုကြသည်မှာ-
မြတ်စွာဘုရား သာသနာတော်ကြီးသည် မင်္ဂလာရေကန်တော်ကြီးနှင့် တူသည်။
ပရိယတ္တိသာသနာသည် ခိုင်ခံ့သော ကန်ပေါင်ကန်ရိုးကြီးနှင့်တူသည်။
ပဋိပတ္တိသာသနာသည် ကြာပင်ကြာရိုးများနှင့် တူသည်။
ပဋိဝေဓသာသနာတော်သည်ကား ကြာပန်းကြာပွင့်များနှင့် တူသည် ဟူပေ၏။