တစ်ချိန်မှာ ရဟန်းတော်တစ်ပါးက ဘုရားရှင်ထံတော်သို့ ချဉ်းကပ်ပြီးတော့ ဒီလို လျှောက်ထားမေးမြန်း တော်မူတယ် --- “မြတ်စွာဘုရား ... အ၀ိဇ္ဇာ အ၀ိဇ္ဇာ လို့ ပြောဆိုနေပါတယ် မြတ်စွာဘုရား၊ အဘယ်ကို အ၀ိဇ္ဇာလို့ခေါ်ဆိုပါသလဲ .. မြတ်စွာဘုရား?
အဘယ်မျှသော အတိုင်းအရှည်ဖြင့် အ၀ိဇ္ဇာသို့ဆိုက်ရောက် နေတဲ့ ပုဂ္ဂိုလ်လို့ ခေါ်ဆိုပါသလဲ မြတ်စွာဘုရား?” .. ဒီလို သူကမေးမြန်း လျှောက်ထားတယ်။ အဲဒီလို မေးမြန်းလျှောက်ထားတဲ့အခါမှာ မြတ်စွာဘုရား က ဒီလို အဖြေပေးတော်မူပါတယ် ..။

ချစ်သားရဟန်း ... ငါဘုရားရှင်ရဲ့ သာသနာတော်မှာ သင်သိ(= ပရိယတ္တိအသိ), ကျင့်သိ (= ပဋိဝေဓအသိ) လို့ ခေါ်ဆိုအပ်တဲ့ အသိနှစ်မျိုးဖြင့် အကြား +အမြင်= ဗဟုဿုတမရှိတဲ့ ပုထု ဇဉ်တစ်ဦးဟာ ---
၁။ ရုပ် ဝေဒနာ သညာ သင်္ခါရ ၀ိညာဏ်လို့ ခေါ်ဆိုတဲ့ ခန္ဓာငါးပါး ဒုက္ခသစ္စာ တရားကို ဟုတ်တိုင်းမှန်စွာ မသိခြင်း၊

၂။ ဒီဒုက္ခသစ္စာတရားကို ဖြစ်ပေါ်စေတတ်တဲ့ အကြောင်းရင်း သမုဒယသစ္စာ တရားကို ဟုတ်တိုင်းမှန်စွာ မသိခြင်း၊

၃။ ဒီဒုက္ခသစ္စာတရားရဲ့ ချုပ်ငြိမ်းရာ နိရောဓသစ္စာတရားကို ဟုတ်တိုင်းမှန်စွာ မသိခြင်း၊

၎။ ဒီဒုက္ခသစ္စာတရားရဲ့ ချုပ်ငြိမ်းရာ နိရောဓသစ္စာသို့ ဆိုက်ရောက်ကြောင်း ကျင့်စဉ်ဖြစ်တဲ့ မဂ္ဂင် (၈)ပါး = မဂ္ဂသစ္စာတရားကို ဟုတ်တိုင်းမှန်စွာမသိခြင်း ---

ဒီလို မသိခြင်းမျိုးကို အ၀ိဇ္ဇာလို့ ခေါ်ဆိုပါတယ်။ ဒီလို မသိခြင်းမျိုးသို့ဆိုက် ရောက်နေတဲ့ ပုဂ္ဂိုလ်ကို အ၀ိဇ္ဇာသို့ ဆိုက်ရောက်နေတဲ့ ပုဂ္ဂိုလ်လို့ခေါ်ဆိုပါ တယ်။ ဒီလို ဘုရားရှင်က မိန့်ကြားတော်မူလိုက်ပါတယ်။

ဒီလို ဘုရားရှင်ရဲ့ ရှင်းလင်းဟောကြားတော်မူချက်ကို အခြေတည်ကာ သမ္မော ဟ၀ိနောဒနီနှင့် ၀ိသုဒ္ဓိမဂ္ဂ အဋ္ဌကထာတို့က အ၀ိဇ္ဇာဆိုတဲ့ စကားလုံးရဲ့အဓိပ္ပာယ် ကို ဒီလို ထပ်ဆင့်ပြီးတော့ ရှင်းလင်း တင်ပြ ထားတော်မူပြန်တယ်။ ပရမတ္ထအား ဖြင့် တကယ်ထင်ရှားရှိနေတဲ့ သိသင့်သိထိုက်တဲ့ ခန္ဓာငါးပါး ဒုက္ခသစ္စာတရား စတဲ့ သစ္စာလေးရပ် တရားမြတ်တို့၌ တကယ်မသိဘဲ .. ရုပ်တရားနာမ်တရားလို့ မသိဘဲ, အကြောင်းတရား အကျိုးတရားလို့ မသိဘဲ, အနိစ္စတရားအစုအပုံဒုက္ခ တရားအစုအပုံ အနတ္တတရားအစုအပုံလို့ မသိဘဲ ပြောင်းပြန်လှန်ကာ ယောက်ျား မိန်းမ ပုဂ္ဂိုလ် သတ္တ၀ါ လူ နတ် ဗြဟ္မာစသည်ဖြင့် အသိမှားနေမှုသဘော, ယင်း ခန္ဓာငါးပါး ရုပ်နာမ်တရားတွေထဲကခန္ဓာတစ်ပါးပါးကို သို့မဟုတ် ခန္ဓာအများစု ကို အသက်ကောင် လိပ်ပြာကောင် ၀ိညာဏ်ကောင် အတ္တကောင်လို့ အသိမှား နေမှုသဘောကို အ၀ိဇ္ဇာလို့ ခေါ်ဆိုကြောင်း ရှင်းလင်း တင်ပြထားပါတယ်။

ဖားအောက်တောရဆရာတော်